भाजपचे खासदार पीयूष गोयल यांच्या मतदारसंघात उत्तर मुंबई खासदार क्रीडा महोत्सव 2025 चं आयोजन

मुंबई : खेलो इंडिया ( KheloIndia) आणि फिट इंडिया ( KheloIndia) या संकल्पांसह युवा शक्तीच्या प्रतिभांना संधी देण्यासाठी खासदार क्रीडा महोत्सवाचं आयोजन करण्यात आलं आहे. केंद्रीय मंत्री आणि उत्तर मुंबईचे भाजपचे खासदार पीयूष गोयल यांच्या मतदार संघात २ नोव्हेंबरपासून उत्तर मुंबई क्रीडा महोत्सव 2025 चं आयोजन केलं आहे. या महोत्सवात वेगवेगळ्या स्पर्धा भरवण्यात आल्या आहेत.या महोत्सवात सहभागी होण्यासाठी नोंदणीसाठी QR कोड जाहीर करण्यात आला आहे. यावर नोंदणी सुरू झाली आहे.  पंतप्रधान नरेंद्र मोदी यांच्या फिट इंडिया संकल्पनेनं प्रेरित होऊन उपक्रम राबवला जात आहे.  समाजातील सर्व घटकांना तरुण, महिला, ज्येष्ठ नागरिक आणि दिव्यांग यांना एक हक्काचं व्यासपीठ उपलब्ध करून देण्याचा हा प्रयत्न आहे. या उपक्रमातून उत्तर मुंबईतील लोकांमध्ये कायम क्रीडा भावना जागृत राहिल.