Rohit Sharma : अभिषेक-बुमराह नाही... हे 2 खेळाडू जिंकवून देणार T20 वर्ल्ड कप, रोहित शर्माची मोठी भविष्यवाणी!

मागच्या वर्ल्ड कपमध्ये बुमराह आणि अर्शदीप हे दोघेही एकत्र असणे आमच्यासाठी सकारात्मक होते, कारण दोघंही विकेट घेणारे बॉलर आहेत. अर्शदीप नवी बॉल स्विंग करतो आणि लवकर विकेट मिळवून देतो. याशिवाय तो डेथ ओव्हर्समध्येही बॉलिंग करतो. कोणत्याही टीमसाठी सुरूवात आणि शेवट महत्त्वाचा असतो, असं रोहित शर्मा म्हणाला आहे.

'अर्शदीप नवीन बॉल स्विंग करू शकतो आणि उजव्या हाताने बॅटिंग करणाऱ्या बॅटरच्या पॅडला लक्ष्य करू शकतो. नव्या बॉलने बॉलिंग करणाऱ्या बॉलरसाठी हे कौशल्य महत्त्वाचं आहे. अर्शदीप कायमच विकेट घेण्याचा प्रयत्न करतो, त्यामुळे त्याला पहिली ओव्हर दिली जाते', असं वक्तव्य रोहितने केलं आहे.

'2024 च्या टी-20 वर्ल्ड कपच्या फायनलमध्येही अर्शदीपने उत्कृष्ट बॉलिंग केली. मला अजूनही आठवतं त्याने क्विंटन डिकॉक सेट झाल्यानंतर त्याला आऊट केलं होतं. यानंतर 19 व्या ओव्हरमध्ये त्याने फक्त 2 का 3 रन दिले होते, त्यामुळे दक्षिण आफ्रिकेवर दबाव आला होता. या टी-20 वर्ल्ड कपमध्येही भारताचा हुकमी एक्का ठरेल', असं भाकीत रोहित शर्माने वर्तवलं आहे.

अर्शदीपप्रमाणेच हार्दिक पांड्याही टीममध्ये महत्त्वाची भूमिका बजावतो, असं रोहित म्हणाला आहे. 'हार्दिक जेव्हा टीममध्ये असतो तेव्हा तो बॅटिंग आणि बॉलिंगमध्येही भूमिका बजावतो. टीमवर दबाव असताना त्याची बॅटिंग महत्त्वाची असते. 15-16 ओव्हरनंतर स्कोअर 160 असेल आणि हार्दिक क्रीजवर असेल तर तो स्कोअर 210-220 पर्यंत पोहोचवू शकतो. तसंच टीमने 50 रनमध्ये 4 विकेट गमावल्या असतील, तर इनिंगला आकार देऊ शकतो', असं म्हणत रोहितने हार्दिकचं कौतुक केलं आहे.

'कुलदीप आणि वरुण या दोघांनाही प्लेइंग इलेव्हनमध्ये संधी मिळणं कठीण आहे. कॅप्टनसाठी दोघांनाही एकत्र मैदानात कसं उतरवायचं? हे सगळ्यात मोठं आव्हान असेल. मी टीममध्ये असतो तर दोघांनाही टीममध्ये घेतलं असतं, कारण दोघंही विकेट घेतात आणि बॅटरना त्यांच्या बॉलिंगचा अंदाज घेता येत नाही', अशी प्रतिक्रिया रोहितने दिली आहे.