PM च्या पोरीशी पंगा, म्हणाला 'लॉर्ड्सची राणी...', मराठी बोलणाऱ्या पाकिस्तानी खेळाडूला PCB ने थेट धाडली नोटीस!

Published by:Saurabh Talekar

Last Updated:Mar 28, 2026 1:24 PM IST

PCB issues show cause notice to Naseem Shah : नसीम शाहने तातडीने स्पष्टीकरण देताना सांगितले की, त्याचे सोशल मीडिया अकाउंट हॅक झाले होते आणि ती पोस्ट त्याने केलेली नव्हती. मात्र, पीसीबीने या प्रकरणाची गंभीर दखल घेतली आहे.

इम्पॅक्ट शॉटतुमचा गेटवे लेटेस्ट न्यूज

Translate

PCB issues show cause notice to Naseem Shah

PCB Action Against Naseem Shah : दोन दिवसांपूर्वी पाकिस्तानमधील लाहोरच्या गडाफी स्टेडियमवर पीएसएलचा उद्घाटन सोहळा आणि पहिली मॅच पार पडली. याच दरम्यान नसीम शाहच्या X (ट्विटर) हँडलवरून एक पोस्ट शेअर करण्यात आली होती. या पोस्टमध्ये पाकिस्तानच्या पंजाब प्रांताच्या मुख्यमंत्री मरियम नवाज यांना मिळालेल्या 'व्हीआयपी ट्रीटमेंट'वर प्रश्नचिन्ह उपस्थित करण्यात आले होते. नसीम शाहच्या पोस्टची क्रिडाविश्वात खूप चर्चा झाली. त्यानंतर आता पीसीबीने मोठी कारवाई केलीये.

लॉर्ड्सच्या राणीसारखी वागणूक का?

"मरियम नवाज यांना लॉर्ड्सच्या राणीसारखी वागणूक का दिली जात आहे?" असा मजकूर त्या पोस्टमध्ये होता. ही पोस्ट व्हायरल झाल्यानंतर पाकिस्तानमध्ये मोठा राजकीय गदारोळ निर्माण झाला. त्यानंतर ही पोस्ट डिलिट देखील करण्यात आली होती. अशातच आता पाकिस्तान क्रिकेट बोर्डाने नसीम शहावर कडक अॅक्शन घेतली आहे.

Naseem Shah Marathi : 'चहा प्यायला चला...', पाकिस्तानी क्रिकेटरच्या Video ने इंटरनेटवर धुमाकूळ, नसीम शहा मराठी कसा शिकला?

अधिकृत नोटीस पाठवून उत्तर मागितलं

यावर नसीम शाहने तातडीने स्पष्टीकरण देताना सांगितले की, त्याचे सोशल मीडिया अकाउंट हॅक झाले होते आणि ती पोस्ट त्याने केलेली नव्हती. मात्र, पीसीबीने या प्रकरणाची गंभीर दखल घेतली असून, नसीम शाहच्या स्पष्टीकरणावर समाधान न मानता त्याला अधिकृत नोटीस पाठवून उत्तर मागितले आहे.

The fastest hacking unhacking happened today. Naseem shah created history. pic.twitter.com/1uF2wWNIMB

— Moments & memories (@momentmemori) March 26, 2026

प्रकरणाची सखोल समीक्षा केली जाईल - पीसीबी

पीसीबीने आपल्या अधिकृत स्टेटमेंटमध्ये म्हटलं आहे की, नसीम शाहला ठराविक मुदतीत या नोटिशीला उत्तर द्यावं लागेल. बोर्डाने स्पष्ट केलं की, खेळाडूंनी प्रोफेशनल स्टॅडर्ड्स, करारातील अटी आणि खेळाची प्रतिष्ठा राखणं बंधनकारक आहे. बोर्डाने नेमक्या कोणत्या कलमाचे उल्लंघन झालं हे सांगितले नसलं तरी, नसीमच्या उत्तरानंतर या प्रकरणाची सखोल समीक्षा केली जाईल, असं पहायला मिळतंय.

अंतिम शिस्तभंगाची कारवाई

पाकिस्तानचे माजी पंतप्रधान नवाब शरीफ यांची कन्या आणि विद्यमान पंतप्रधान शाहबाज शरीफ यांची भाची नवाज, अनेक गाड्यांचा समावेश असलेल्या सुरक्षा ताफ्यासह कार्यक्रमस्थळी दाखल होताना दिसल्या. त्यानंतर नसीम शाहच्या पोस्टनंतर मोठा राडा झाल्याचं पहायला मिळालं. नसीमने प्रतिसाद दिल्यानंतर अंतिम शिस्तभंगाची कारवाई निश्चित केली जाईल, असं पीसीबीने म्हटलं आहे.

view comments

Location :

Mumbai,Maharashtra

First Published :

Mar 28, 2026 1:24 PM IST

PM च्या पोरीशी पंगा, म्हणाला 'लॉर्ड्सची राणी...', मराठी बोलणाऱ्या पाकिस्तानी खेळाडूला PCB ने थेट धाडली नोटीस!