Trending:

आशिया कप जिंकताच Rinku Singh ने बहिणीला दिलं मोठं गिफ्ट, पाहा काय?

Published by:Saurabh Talekar

Last Updated:October 07, 2025 7:12 AM IST

Rinku Singh gifted sister scooter : नेहा सिंहने तिच्या अधिकृत इंस्टाग्राम हँडलवर एक फोटो शेअर केला आहे, ज्यात ती भाऊ रिंकू सिंह आणि नवीन स्कूटीसोबत दिसत आहे.

Rinku Singh gifted sister a brand new scooter

Indian Cricketer Rinku Singh : टीम इंडियाचा स्फोटक बॅट्समन रिंकू सिंह एशिया कपमध्ये भारतीय टीमचा भाग होता, पण त्याला फक्त फायनल मॅचमध्ये खेळण्याची संधी मिळाली. संपूर्ण टूर्नामेंटमध्ये त्याने केवळ एकच बॉल खेळला, ज्यावर फोर मारून त्याने भारताचा विजय निश्चित केला होता. आपल्या फोर-सिक्सने फॅन्सना सरप्राईज देणाऱ्या रिंकू सिंहने आज वाढदिवसानिमित्त आपली बहीण नेहा सिंह हिला एक मोठे सरप्राईज दिले आहे. रिंकूने बहिणीची इच्छा पूर्ण केली आहे. रिंकु सिंगने आपल्या लाडक्या बहिणीला मोठं गिफ्ट दिलं आहे.

थँक्यू रिंकू भय्या...

रिंकु सिंगने आपल्या बहिणीला वाढदिवसाला एक स्कूटी भेट दिली. भाऊ-बहिणीच्या या पवित्र नात्यातील भावनिक क्षणाचे छायाचित्र समोर येताच, फॅन्सकडून मोठ्या संख्येने प्रतिक्रिया देण्यात आल्या. नेहा सिंहने तिच्या अधिकृत इंस्टाग्राम हँडलवर एक फोटो शेअर केला आहे, ज्यात ती भाऊ रिंकू सिंह आणि नवीन स्कूटीसोबत दिसत आहे. तिने कॅप्शनमध्ये लिहिले आहे, ‘थँक्यू रिंकू भय्या.’ हा फोटो रिंकूच्या अलीगढमधील बंगल्याचा आहे, जो त्याने गेल्या वर्षी नोव्हेंबरमध्ये विकत घेतला होता.

View this post on Instagram

A post shared by Neha (@_neha_singh_0700)

3.5 कोटींचं घर

शहराच्या बाहेरील बाजूस ओझोन सिटीमध्ये असलेल्या या तीन मजली घराला रिंकूने आई वीणा यांच्या नावावरून वीणा पॅलेस असे नाव दिले आहे. या घराची किंमत जवळपास 3.5 कोटी रुपये आहे. अतिशय गरीब कुटुंबातून आलेल्या रिंकू सिंहने आयपीएलमध्ये चमकदार कामगिरी करत सर्वांना चकित केले. केकेआर (KKR) कडून खेळताना रिंकूने गुजरातविरुद्धच्या मॅचमध्ये शेवटच्या ओव्हरमध्ये सलग पाच सिक्स मारून आपल्या टीमला विजय मिळवून दिला होता.

ऑस्ट्रेलिया दौऱ्यासाठी तयार

दरम्यान, या कामगिरीनंतर तो एक मोठा सुपरस्टार खेळाडू म्हणून ओळखला जाऊ लागला. फ्रेंचायझीने देखील त्याच्यावर पैशांची बरसात केली. सध्या तो भारतासाठी वनडे आणि T20 मध्ये डेब्यू करून टीममधील आपले स्थान भक्कम करण्याचा प्रयत्न करत आहे. रिंकू भारताच्या ऑस्ट्रेलिया दौऱ्यासाठी असलेल्या टी-ट्वेंटी टीमचा देखील भाग आहे.