VIDEO : विराटच्या शतकावर रोहितची खतरनाक रिॲक्शन, मुंबई स्टाईलमध्ये सेलीब्रेशन,अख्खं स्टेडिअम बघत राहिलं

Published by:Prashant Gomane

Last Updated:November 30, 2025 7:01 PM IST

विराटच्या शतकानंतर रोहित शर्मा ड्रेसिंग रूमध्ये उभा राहिला. त्याने जोरजोरात टाळ्या वाजवायला सूरूवात केली. विशेष म्हणजे या टाळ्या वाजवताना रोहित शर्माने काही अपशब्दही वापरले होते.

rohit sharma celebrate virat kohli century

India vs South Africa 1st Odi : टीम इंडियाचा स्टार फलंदाज विराट कोहली साऊथ आफ्रिकेविरूद्ध पहिल्या वनडे सामन्यात 135 धावांची खेळी करून दमदार शतकं ठोकलं आहे. या शतकानंतर विराट कोहलीने मैदानात जबरदस्त सेलीब्रेशन केलं. या सेलिब्रेशन सोबत तिकडे ड्रेसिंग रुममध्ये रोहित शर्माने सेलिब्रेशन केलं होतं. रोहितने ज्या प्रमाणे सेलिब्रेशन केलं होतं, ते अख्खं स्टेडियम पाहत बसलं होतं.या संदर्भातला व्हिडिओ देखील व्हायरल झाला आहे.

विराटच्या शतकानंतर रोहित शर्मा ड्रेसिंग रूमध्ये उभा राहिला. त्याने जोरजोरात टाळ्या वाजवायला सूरूवात केली. विशेष म्हणजे या टाळ्या वाजवताना रोहित शर्माने काही अपशब्दही वापरले होते. पण हे शब्द त्याने कुणासाठीच वापरले नाही. उलट ही त्याची सेलिब्रेशन करण्याची स्टाईल होती.तसेच रोहित शर्माला देखील हे माहिती होतं की हे शतक विराट कोहलीसाठी किती महत्वाचं आहे.त्यामुळे त्याला प्रचंड आनंद झाला होता.

Control Rohit bhai 😂 #INDvSA pic.twitter.com/vhHUjB0IVM

— Byomkesh (@byomkesbakshy) November 30, 2025

दरम्यान प्रथम फलंदाजी करताना भारताने दमदार सुरूवात केली होती.भारताकडून विराट कोहलीने 135 धावांची खेळी केली होती.या खेळीत त्याने 7 षटकार आणि 11 चौकार मारले आहेत. त्याच्या व्यतिरिक्त रोहित शर्माने 57 धावांची कर्णधार के एल राहुलने 60 धावांची खेळी केली होती. या खेळीच्या बळावर भारताने 8 विकेट गमावून 349 धावा ठोकल्या आहेत. त्यामुळे साऊथ आफ्रिकेसमोर 350 धावांचे आव्हान आहे.

आफ्रिकेची खराब सुरुवात

भारताने दिलेल्या 350 धावांच्या लक्ष्याचा पाठलाग करताना साऊथ आफ्रिकेची सूरूवात खराब झाली होती.कारण भारताच्या दुसऱ्याच ओव्हरमध्ये गंभीरचा लाडका हर्षित राणाने झटपट दोन विकेट घेतले. पहिल्यांदा हर्षित राणाने रॅन रिकल्टनला क्लिन बोल्ड केले.त्यानंतर पुन्हा तिसऱ्या बॉलवर त्याने क्विटन डिकॉकला राहुलद्वारे विकेटमागे कॅचआऊट केले.अशाप्रकारे तीनच बॉलमध्ये राणाने आफ्रिकेला गुडघ्यावर आणलं होतं.

विशेष म्हणजे हर्षित राणाने त्याच्या पहिल्याच ओव्हरमध्ये 2 धावा दिल्या आणि दोन विकेट काढल्या होत्या. या त्याच्या बॉलिंगमुळे भारताच्या गोलंदाजीची सूरूवात चांगली झाली होती. हर्षित राणानंतर अर्शदिप सिंहने कर्णधार एडन मार्करमची विकेट घेतली आहे. अर्शदिप सिंह टाकलेल्या बॉलवर एडम मार्करमच्या बॅटीला कड लागून बॉल थेट राहुलच्या हातात गेला होता. त्यामुळे मार्करम बाद झाला होता.

दक्षिण आफ्रिकेची प्लेइंग इलेव्हन: रायन रिकेल्टन, क्विंटन डी कॉक (यष्टीरक्षक), एडन मार्कराम (कर्णधार), मॅथ्यू ब्रेट्झके, टोनी डी झोर्झी, डेवाल्ड ब्रेविस, मार्को जॅनसेन, कॉर्बिन बॉश, प्रिनेलन सुब्रेन, नांद्रे बर्गर आणि ओटनील बार्टमन.

भारताची प्लेइंग इलेव्हन: रोहित शर्मा, यशस्वी जयस्वाल, विराट कोहली, रुतुराज गायकवाड, वॉशिंग्टन सुंदर, केएल राहुल (यष्टीरक्षक/कर्णधार), रवींद्र जडेजा, हर्षित राणा, कुलदीप यादव, अर्शदीप सिंग आणि प्रसिद्ध कृष्णा

view comments

Location :

Mumbai,Maharashtra

First Published :

November 30, 2025 7:01 PM IST

VIDEO : विराटच्या शतकावर रोहितची खतरनाक रिॲक्शन, मुंबई स्टाईलमध्ये सेलीब्रेशन,अख्खं स्टेडिअम बघत राहिलं

VIDEO : विराटच्या शतकावर रोहितची खतरनाक रिॲक्शन, मुंबई स्टाईलमध्ये सेलीब्रेशन,अख्खं स्टेडिअम बघत राहिलं

फोटो

ताज्या बातम्या