CSK... CSK... शाहरुखने भरमैदानात KKRच्या विजयानंतर दिल्या घोषणा; VIDEO VIRAL

चेन्नई : आयपीएल २०२४च्या अंतिम सामनन्यात केकेआरने सनरायजर्स हैदराबादला हरवून तिसऱ्यांदा विजेतेपद पटकावलं. चेन्नईतील एम ए चिदंबरम स्टेडियमवर अंतिम सामना झाला. या सामन्यात दहा वर्षांनी पुन्हा एकदा केकेआरने आयपीएलचं विजेतेपद जिंकलं. केकेआरने २०१२ मध्ये चेन्नईच्या याच मैदानावर चेन्नई सुपर किंग्जला हरवून केकेआरने गौतम गंभीरच्या नेतृत्वाखाली पहिलं विजेतेपद पटकावलं होतं. आयपीएलच्या फायनलवेळी मैदानात चेन्नई सुपर किंग्जचे चाहतेसुद्धा उपस्थित होते. सामना संपल्यानंतर केकेआरचा मालक शाहरुख खानने चेन्नई सुपर किंग्जच्या चाहत्यांसोबत मिळून सीएसके सीएसके अशा घोषणा दिल्या. याचा व्हिडीओसुद्धा सोशल मीडियावर व्हायरल होत आहे.