Mumbai Indians : ज्याची भीती होती तेच झालं! रोहितने हलक्यात घेतलं पण तोच निघाला 'जाएन्ट किलर', पलटणचा खेळ खल्लास

विशेष म्हणजे, श्रेयस अय्यर आयपीएलच्या इतिहासात तीन वेगवेगळ्या संघांना (दिल्ली कॅपिटल्स, कोलकाता नाईट रायडर्स आणि पंजाब किंग्ज) अंतिम फेरीत नेणारा पहिला कर्णधार ठरला आहे. त्यामुळे सध्या क्रिडाविश्वात श्रेयस अय्यर या एकाच नावाची चर्चा आहे. श्रेयसच्या लिडरशीपची चर्चा जास्त होताना दिसत नाही. त्याला क्रेडिट देखील मिळत नाही, असं देखील क्रिडातज्ज्ञांनी म्हटलं आहे.

दरम्यान, गेल्या वर्षी बीसीसीआयने श्रेयस अय्यरची सेंट्रल कॉन्ट्रॅक्ट लिस्टमधून हकालपट्टी केली होती. त्यानंतर श्रेयस आपला दम दाखवला आणि संधी मिळेल तिथं चमकदार कामगिरी करून दाखवली. केकेआरला आयपीएल जिंकवल्यानंतर मुंबईसाठी श्रेयसने विजय मिळवून दिले. देशांतर्गत क्रिकेटमध्येही चमकदार कामगिरी केली, ज्यात विजय हजारे ट्रॉफी, रणजी ट्रॉफी आणि सय्यद मुश्ताक अली टी-20 ट्रॉफीमध्ये प्रभावी धावांचा समावेश आहे. फेब्रुवारी २०२४ मध्ये बीसीसीआयच्या केंद्रीय करारामधून वगळल्यानंतर, आपल्या सातत्यपूर्ण आणि प्रभावी कामगिरीमुळे त्याने २०२४-२५ च्या बीसीसीआयच्या केंद्रीय करार यादीत (ग्रेड बी) पुन्हा स्थान मिळवलं.

पंजाब किंग्ज (प्लेइंग इलेव्हन): प्रियांश आर्य, जोश इंग्लिस (विकेटकिपर), श्रेयस अय्यर (कर्णधार), नेहल वढेरा, मार्कस स्टॉइनिस, शशांक सिंग, अजमातुल्ला ओमरझाई, काइल जेमिसन, विजयकुमार विषाक, अर्शदीप सिंग, युझवेंद्र चहल.

मुंबई इंडियन्स (प्लेइंग इलेव्हन): रोहित शर्मा, जॉनी बेअरस्टो (विकेटकिपर), सूर्यकुमार यादव, तिलक वर्मा, हार्दिक पांड्या (कर्णधार), नमन धीर, मिचेल सँटनर, राज बावा, ट्रेंट बोल्ट, जसप्रीत बुमराह, रीस टोपली.