Sourav Ganguly : 'माझी बदनामी झाली...', सौरव गांगुलीने ठोकला 50 कोटीचा दावा, नेमका कशाने पेटला वाद?

मुंबई : टीम इंडियाचा माजी क्रिकेटपटू आणि बंगाल क्रिकेट असोसिएशनचा माजी अध्यक्ष सौरव गांगुलीने याने 50 कोटींच्या अब्रूनुकसानीचा दावा ठोकला आहे. उत्तम साहा यांच्याविरोधात गांगुलीने कोलकाता येथील लालबाजार येथे तक्रार दाखल केली आहे. गांगुलीचा आरोप आहे की उत्तम साहा यांनी युवा भारती स्टेडियम (सॉल्ट लेक स्टेडियम) घटनेमध्ये जाणूनबुजून आपल्याला गोवलं आहे. तसंच आपल्याविरोधात खोटी, द्वेषपूर्ण आणि बदनामीकारक विधानं करून प्रतिष्ठा खराब केली आहे. उत्तम साहा अर्जेंटिना फॅन क्लबचा अध्यक्ष आहे.