फॅन्सच्या डिमांडवर मारायचा सिक्स,निवृत्तीनंतर बॉलिवूडही गाजवलं, कोण आहे स्टार क्रिकेटर?

सलीम दुर्रानी यांचा जन्म 11 डिसेंबर 1934 रोजी अफगाणिस्तानची राजधानी काबूल येथे झाला होता. जेव्हा ते आठ महिन्यांचे होते तेव्हा त्यांचे कुटुंब काबूलहून कराचीला स्थलांतरित झाले. नंतर, देशाच्या फाळणीनंतर त्यांचे कुटुंब भारतात स्थायिक झाले. त्यांनी भारतासाठी 29 कसोटी सामने खेळले आणि या काळात त्यांना मोठी प्रसिद्धी मिळाली.

सलीम दुर्रानी यांनी 1964 मध्ये वेस्ट इंडिजचा दौरा केला.या मालिकेतील चौथ्या कसोटीत त्यांनी एक उल्लेखनीय खेळी केली जी अविस्मरणीय ठरली. पोर्ट ऑफ स्पेन कसोटीत यजमान वेस्ट इंडिजने प्रथम फलंदाजी करताना 444 धावा केल्या. या प्रत्युत्तरात भारताचा पहिला डाव 197 धावांवर गडगडला.त्यानंतर भारताचा पराभव जवळजवळ निश्चित झाला होता. पण वेस्ली हॉल, लान्स गिब्स आणि गॅरी सोबर्स सारख्या भयानक गोलंदाजांचा सामना करताना सलीम दुर्राणी यांनी लवचिकता दाखवली आणि दुसऱ्या डावात मौल्यवान 104 धावा केल्या आणि पॉली उम्रीगर (172) सोबत, त्यांनी भारताच्या दुसऱ्या डावातील धावसंख्या 422 पर्यंत नेण्यात महत्त्वाची भूमिका बजावली. त्यानंतर भारताने वेस्ट इंडिजसाठी 176 धावांचे लक्ष्य ठेवले, जे त्यांनी फक्त 3 गडी गमावून साध्य केले.पण ही कसोटी अजूनही दुर्रानी आणि उम्रीगरच्या उत्साही खेळीसाठी लक्षात ठेवली जाते.

सलीम दुर्राणी यांनी त्यांचा शेवटचा कसोटी सामना 1973 मध्ये खेळला.त्यांना भारत सरकारने प्रतिष्ठित अर्जुन पुरस्कारानेही सन्मानित केले. क्रिकेटमधून निवृत्ती घेतल्यानंतर त्यांनी बॉलिवूडमध्ये प्रवेश केला, परंतु चित्रपटसृष्टीत त्यांना यश मिळू शकले नाही. 1973 मध्ये "चरित्र" या चित्रपटातून बॉलिवूडमध्ये पदार्पण केले. या चित्रपटात दुर्राणी यांनी परवीन बाबी यांच्यासोबत भूमिका केली होती.पण हा चित्रपट फारसा चालला नाही.नंतर 2023 मध्ये दुर्राणी यांचे गुजरातमध्ये निधन झाले होते.