Trending:

Vaibhav Suryavanshi : हे T20 क्रिकेट नाही भाऊ... खऱ्या चॅलेंजसमोर वैभव सूर्यवंशी फेल, 5 बॉलही टिकला नाही!

Published by:Shreyas Deshpande

Last Updated:October 15, 2025 5:34 PM IST

आयपीएलमध्ये धमाका केलेला 14 वर्षांचा वैभव सूर्यवंशी रणजी ट्रॉफीचा दुसरा मोसम खेळत आहे. बिहारने वैभव सूर्यवंशीला थेट उपकर्णधारही केलं आहे, पण रणजी ट्रॉफीच्या पहिल्याच सामन्यात वैभव सूर्यवंशी अपयशी ठरला आहे.

इम्पॅक्ट शॉटतुमचा गेटवे लेटेस्ट न्यूज

हे T20 क्रिकेट नाही भाऊ... खऱ्या चॅलेंजसमोर वैभव सूर्यवंशी फेल, 5 बॉलही टिकला नाही!

मुंबई : आयपीएलमध्ये धमाका केलेला 14 वर्षांचा वैभव सूर्यवंशी रणजी ट्रॉफीचा दुसरा मोसम खेळत आहे. बिहारने वैभव सूर्यवंशीला थेट उपकर्णधारही केलं आहे, पण रणजी ट्रॉफीच्या पहिल्याच सामन्यात वैभव सूर्यवंशी अपयशी ठरला आहे. वैभवने ओपनिंगला बॅटिंग करत टी-20 प्रमाणेच धमाकेदार सुरूवात केली, पण त्याला मोठा स्कोअर करता आला नाही. वैभवने 280 च्या स्ट्राईक रेटने रन केले, 5 बॉलमध्ये 14 रन करून वैभव बोल्ड झाला. वैभवचा ओपनिंग पार्टनर अर्णव किशोरने अर्धशतक केलं, तर आयुष लोहारुकाने शतक करून बिहारला आघाडी मिळवून दिली.

हे टी-20 नाही रणजी क्रिकेट

वैभव टी-20 प्रमाणेच रेड बॉल क्रिकेटमध्येही आक्रमक बॅटिंग करायचा प्रयत्न करत आहे. इंडिया ए कडून ऑस्ट्रेलिया आणि इंग्लंडमध्ये यूथ टेस्ट खेळत असतानाही वैभवने अशाच प्रकारे बॅटिंगचा प्रयत्न केला, पण यात त्याला फार यश मिळालेलं नाही, त्यामुळे वैभवला टी-20 आणि रेड बॉल क्रिकेट वेगळं आहे, हे समजून घ्यावं लागेल, असं मत क्रिकेट तज्ज्ञांनी व्यक्त केलं आहे.

5 इनिंगमध्ये 50 रनही नाहीत

वैभव सूर्यवंशीने मोइनुल हक स्टेडियममध्ये प्रथम श्रेणी क्रिकेटच्या 5 इनिंग खेळल्या आहेत, पण 5 इनिंग मिळून त्याला 50 रनही करता आलेल्या नाहीत. अरुणाचल प्रदेशविरुद्धच्या सामन्यात बॅटिंगला यायच्या आधी वैभवला 4 इनिंगमध्ये फक्त 31 रनच करता आल्या होत्या. यात तो दोनवेळा शून्य रनवर आऊट झाला. अरुणाचल प्रदेशविरुद्धच्या इनिंगचा स्कोअर मिळून वैभवने या मैदानात 5 इनिंगमध्ये 45 रन केले आहेत.

अरुणाचलचा 105 रनवर ऑलआऊट

या सामन्यात अरुणाचल प्रदेशचा पहिल्या इनिंगमध्ये 105 रनवर ऑलआऊट झाला. बिहारकडून फास्ट बॉलर शाकिब हुसैनने घातक बॉलिंग करत 6 विकेट घेतल्या. अरुणाचलचे 3 खेळाडू शून्य रनवर आऊट झाले. तर 4 बॅटरना दोन आकडी धावसंख्या करता आली. पहिल्या दिवसाचा खेळ संपला तेव्हा बिहारचा स्कोअर 283/2 एवढा झाला आहे. आयुष लोहारुका 155 रनवर तर साकिबुल गानी 56 रनवर खेळत आहे.

वैभवच्या नावावर लाजिरवाणं रेकॉर्ड

नुकत्याच झालेल्या इंडिया ए च्या ऑस्ट्रेलिया दौऱ्यात वैभव सूर्यवंशीच्या नावावर लाजिरवाण्या विक्रमाची नोंद झाली. दुसऱ्या युथ टेस्टच्या दुसऱ्या इनिंगमध्ये वैभव पहिल्याच बॉलवर आऊट झाला होता. यूथ टेस्टच्या चौथ्या इनिंगमध्ये दुसऱ्यांदा गोल्डन डकवर आऊट होणारा वैभव क्रिकेट इतिहासातला पहिला क्रिकेटपटू ठरला. याआधी याचवर्षी इंग्लंड दौऱ्यातल्या यूथ टेस्टमध्येही वैभव पहिल्याच बॉलला शून्य रनवर आऊट झाला होता.

view comments

Location :

Patna,Bihar

First Published :

October 15, 2025 5:34 PM IST

Vaibhav Suryavanshi : हे T20 क्रिकेट नाही भाऊ... खऱ्या चॅलेंजसमोर वैभव सूर्यवंशी फेल, 5 बॉलही टिकला नाही!