Rohit Sharma : रोहित शर्मा KKR कडून खेळणार? ट्रेडच्या चर्चांवर मुंबई इंडियन्सची पहिली रिएक्शन!

मुंबई : ऑस्ट्रेलिया दौऱ्यावर धमाकेदार कामगिरी करून रोहित शर्मा मुंबईमध्ये परत आला आहे. ऑस्ट्रेलिया दौऱ्यातल्या 3 वनडे मॅचपैकी दोन सामन्यांमध्ये रोहितने अर्धशतक आणि शतक झळकावलं. आता पुढच्या महिन्यात दक्षिण आफ्रिकेविरुद्धच्या वनडे सीरिजसाठी रोहित पुन्हा एकदा मैदानात दिसेल. पण दुसरीकडे रोहित शर्मा मुंबई इंडियन्सची साथ सोडणार असल्याच्या चर्चा सुरू आहेत. रोहित शर्मासाठी मुंबई आणि केकेआर यांच्यात ट्रेड होईल, असंही बोललं जात आहे. याला कारण ठरत आहे रोहित शर्माचा खास मित्र अभिषेक नायर.