ऑनलाइन शॉपिंग करताना सावधान! मोठ्या सूटच्या नावाने होऊ शकते फसवणूक, राहा सावधान 

बनावट वेबसाइट्स मुख्यतः मोठ्या डिस्काउंटची आमिष दाखवतात. म्हणजेच लेटेस्ट मोबाईलवर 70-80 टक्के सूट, ब्रांडेड बॅक अर्ध्या किंमतीत किंवा महाग शूज फक्त शंभर  रुपयांत. या ऑफर पाहायला खुप चांगल्या वाटतात, पण खोट्या असतात. खऱ्या कंपन्या एवढं डिस्काउंट कधीच देत नाहीत. फसवणूक करणाऱ्यांना माहिती असतं की, लालसेपोटी लोकं काही विचार न करता पेमेंट करतात.

बनावट वेबसाइट ओळखण्यासाठी आधी URL वर लक्षपूर्वी तपासून घ्या. खरी अॅमेझॉनची वेबसाइट ही अॅमेझॉन. इन असते. पण बनावट वेबसाइट अॅमेझॉन-सेल.इन , amaz0nshop.com किंवा flipkart-offers.net सारख्या असू शकतात. लहान-लहान अक्षरं बदलून किंवा .net, .top, .xyz सारखे एक्सटेंशनलावून या साइट तयार केल्या जातात. नेहमी https:// पाहा आणि अॅड्रेस बारमध्ये कुलूप (padlock)  असावं. https नसेल तर साइट लगेच बंद करा.

वेबसाइटची डिझाइन पाहा. बनावट साइट्सवर फोटो हे धुसर असतात. भाषांमध्ये चुका असतात आणि वाक्यही विचित्र दिसतात. खऱ्या साइट्सवर प्रोफेशनल लूक, स्वच्छ फोटो आणि योग्य हिंद्री-इंग्रजी असते.

संपर्क माहिती. खऱ्या वेबसाइटवर फोन नंबर, ईमेल , पूर्ण पत्ता आणि कस्टमर केयर डिटेल्स स्पष्ट दिसतात. बनावट वेबसाइटवर हे नसतं किंवा फक्त WhatsApp नंबर असतो.‘About Us’ पेजही रिकामं किंवा कॉपी-पेस्ट केलेला वाटतो.

फक्त 2 तास बाकी, किंवा फक्त 1 पीस बाकी आहे. ही ट्रिक तुम्हाला विचार न करता खरेदी करण्यासाठी मजबूर करते. खऱ्या सेलमध्ये असा दबाव टाकला जात नाही. वस्तू खरेदी करताना रिव्ह्यूजही चेक करा. तुम्हाला सर्वच रिव्ह्यूज खुप  चांगले आणि एकसारखे वाटत असतील तर सावध व्हा. गूगलवर साइटचं नाव सर्च करुन ‘scam’ किंवा ‘fraud’ लावून पाहा. जुन्या साइट्सवर खरे रिव्ह्यूज मिळतील.