बुलेट ट्रेन विसरा, मुंबई ते दिल्ली गाठता येईल 15 मिनिटांत! कसं होणार शक्य?

नवी दिल्ली:  सुट्टी आणि सणासुदीच्या काळात रेल्वे गाड्यांना बरीच गर्दी असते. या काळात रेल्वेची वेटिंग लिस्ट मोठ्या प्रमाणावर असते.  मुंबई-दिल्ली या दरम्यानच्या प्रीमियम एक्सप्रेसचे दरही अधिक असतात. विमानाचे तिकीट दरही अधिक असतात. अशा परिस्थितीत, दिल्लीपासून अगदी काही मिनिटांत मुंबईत पोहोचवणारी वाहतूक सुविधा असती तर किती चांगलं झालं असतं, असा विचारही अनेकदा मनात येतो. पण आता ही फक्त कल्पना राहणार नाही.  अगदी चहाचा कप पिऊन संपण्यापूर्वीच आपण देशाच्या एका कोपऱ्यातून दुसऱ्या कोपऱ्यात पोहोचू शकू अशा तंत्रज्ञानाचा वापर वेगवान प्रवासासाठी करता येऊ शकतो.