रोजचा फक्त 3 रुपयांचा खर्च, ऑनलाइन फ्रॉडची चिंता होईल दूर; मिळतंय सायबर इन्शुरन्स

नवी दिल्ली : आजकाल प्रत्येकजण इंटरनेट वापरतो, मग एखाद्याला ऑनलाइन खरेदी करायची असेल, बँकिंग सेवा घ्यायची असेल किंवा सोशल मीडियावर कनेक्ट व्हायचे असेल. मात्र तंत्रज्ञान वाढत असल्याने सायबर गुन्हेगारही पूर्वीपेक्षा अधिक हुशार होताय. तुम्ही एका सकाळी उठता आणि लक्षात येते की तुमच्या नावावर कोणीतरी ऑनलाइन फसवणूक केली आहे. हे आजच्या नवीन पिढीच्या 'जनरेटिव्ह एआय' (GenAI) तंत्रज्ञानामुळे घडते. कारण हे खऱ्या सारखा आवाज, व्हिडिओ आणि चित्रे हुबेहूब बनवून लोकांना फसवते. यामुळेच विमा कंपन्या आता लहान 'सॅशे कव्हर्स' घेऊन आल्या आहेत, जे तुम्हाला अशा सायबर धोक्यांपासून वाचवू शकतात.