फोन बंद झाल्यानंतरही होऊ शकते हेरगिरी? 'द फॅमिली मॅन'च्या प्लॉटचं सत्य घ्या जाणून

नवी दिल्ली : आपण दिवसरात्र वापरत असलेला फोन आपल्यावर नजर ठेवतो असं आपण अनेकदा ऐकतो. फोन आपली हेरगिरी करत असतो. आपण जे बोलतो ते देखील आपल्या स्मार्टफोनला कळतं असंही आपण वाचतो. पण फोन बंद केल्यावरही आपल्यावर नजर ठेवतो असं म्हटलं तर... द फॅमिली मॅनच्या नवीन सीझनमधील एका दृश्याने सर्वांना धक्का दिला. सीरीजमधील प्रमुख श्रीकांत तिवारी (मनोज बाजपेयी) याचा फोन बंद झाल्यानंतरही तो शत्रूंना सिग्नल पाठवत होता. शोमध्ये दाखवण्यात आले की फोन बंद दिसत असला तरी, त्यामुळे घातक गैरसमज आणि खोटे सिग्नल येऊ शकतात. ही कथा काल्पनिक आहे, परंतु वास्तविक जीवनात त्याचा तांत्रिक पैलू भयानक आहे.