ठाण्यात 'ती' घरं घेणाऱ्यांना 1 टक्के मुद्रांक शुल्क, पालिका निवडणुकीच्या तोंडावर एकनाथ शिंदेंची मोठी घोषणा

ठाणे : राज्यात नगरपंचायत आणि नगरपरिषद निवडणुकीची रणधुमाळी सुरू झाली आहे. आता सगळ्यांना महापालिका निवडणुकीचे वेध लागले आहे. सर्वच पक्षांमध्ये जोरदार मोर्चेबांधणी सुरू आहे. अशाच राज्याचे उपमुख्यमंत्री एकनाथ शिंदे यांनी आपल्या बालेकिल्ल्यासाठी महत्त्वाच्या निर्णयाची घोषणा केली आहे.   ठाणे महानगरपालिका क्षेत्रात बीएसयुपी सदनिकांमध्ये घर घेणाऱ्या प्रकल्पग्रस्तांना एक टक्के मुद्रांक शुल्क अधिभारात सवलत मिळणार आहे, अशी घोषणाच एकनाथ शिंदे यांनी केली. या निर्णयामुळे  ठाणे विभागातील ६३४३ गरीब कुटुंबांना याचा लाभ होणार आहे.