इंजिनियर तरुणाचा प्रेरणादायी प्रवास, लुप्त होत असलेल्या कलेला नवं संजीवनी देत झाला मालामाल

पुणे: व्यवसाय करावा, स्वतःचं काहीतरी उभं करावं. हे अनेक तरुणांचे स्वप्न असते. पण त्या स्वप्नात परंपरेची जोड, गावागावात हरवत चाललेल्या कलेला नवसंजीवनी आणि शेकडो कुटुंबांना रोजगार या तिन्ही गोष्टी एकत्र साधणं दुर्मिळच. पुणे जिल्ह्यातील नीरज बोराटे यांनी मात्र हे अशक्य वाटणारं शक्य करून दाखवलं. इंजिनिअरिंग पूर्ण केलेल्या या तरुणाने 2016 साली ‘घोंगडी.कॉम’ नावाने व्यवसाय सुरु केला. प्रारंभी फक्त दोन कारागीरांसोबत सुरू झालेल्या या उपक्रमाने आज तब्बल 350 पेक्षा जास्त कारागीरांना रोजगार दिला आहे. महाराष्ट्रापासून आसामपर्यंत आणि भारतापासून अमेरिकेपर्यंत https://www.ghongadi.com/ चा प्रवास देशासह विदेशात पोहोचला.