Georgia : हाडं गोठवणारी थंडी, रात्री रूममध्ये झोपायला गेले, जॉर्जियामध्ये 12 भारतीयांचे मृतदेह सापडले

जॉर्जिया : रशियाच्या शेजारील देश जॉर्जियाची राजधानी तिबिलिसी येथे उपस्थित असलेल्या जॉर्जियाच्या गुदौरी माउंटन रिसॉर्टमधील रेस्टॉरंटमध्ये 12 भारतीय नागरिक मृतावस्थेत आढळले आहेत. बर्फाळ पर्वतांच्या खोऱ्यातील एका रिसॉर्टमध्ये 12 लोक भारतीय रेस्टॉरंटमध्ये काम करत होते. रात्रीचे काम संपवून सगळे झोपायला गेले. मात्र सकाळी खोलीचा दरवाजा उघडला असता सगळे मृत अवस्थेत आढळले. जॉर्जियाच्या अंतर्गत व्यवहार मंत्रालयाने एका निवेदनात म्हटले आहे, की मृतदेहांच्या प्राथमिक तपासणीत कोणतीही जखम किंवा हिंसाचाराची चिन्हे आढळली नाहीत.