Afghanistan Pakistan War: पाकिस्तान-अफगाणिस्तान बॉर्डरवर खुल्लमखुल्ला युद्ध, परिस्थिती अत्यंत भीषण; सीमेवर कत्लेआम सुरू, एकमेकांच्या जीवावर उठले

Published by:Jaykrishna Nair

Last Updated:Feb 27, 2026 4:24 PM IST

Pakistan Afghanistan War: ड्युरंड लाईनवर पाकिस्तान आणि अफगाणिस्तानमध्ये भीषण युद्ध पेटले असून 55 सैनिकांच्या मृत्यूचा बदला घेण्यासाठी पाकिस्तानने 'ऑपरेशन गझब लिल-हक' अंतर्गत काबुल-कंधारवर हवाई हल्ले सुरू केले आहेत.

इम्पॅक्ट शॉटतुमचा गेटवे लेटेस्ट न्यूज

+ Follow usOn Google

इस्लामाबाद/काबुल: पाकिस्तान आणि अफगाणिस्तान यांच्यातील युद्ध पेटले आहे. ड्युरंड लाईनवर (सीमा रेषा) सध्या 'रक्ताची होळी' सुरू असून दोन्ही देशांनी एकमेकांविरुद्ध खुल्लमखुल्ला युद्धाची घोषणा केली आहे. गुरुवारी अफगाणिस्तानने केलेल्या जोरदार पलटवारामुळे हादरलेल्या पाकिस्तानने मध्यरात्री 'ऑपरेशन गझब लिल-हक' (Operation Gazab Lil-Haq) सुरू करून अफगाणिस्तानच्या अनेक शहरांना आगीच्या खाईत लोटले आहे.

काय आहे 'ऑपरेशन गझब लिल-हक' आणि त्याचा अर्थ?

पाकिस्तानने आपल्या या लष्करी मोहिमेला 'ऑपरेशन गझब लिल-हक' असे नाव दिले आहे. हा एक अरबी शब्दसमूह असून त्याचा अर्थ 'सत्यासाठीचा क्रोध' किंवा 'न्यायासाठीचा प्रकोप' असा होतो. अरबी भाषेत 'गझब' म्हणजे राग किंवा प्रलय, 'लिल' म्हणजे साठी आणि 'हक' म्हणजे सत्य किंवा न्याय. पाकिस्तानचा दावा आहे की, ही कारवाई त्यांनी आपल्या प्रादेशिक अखंडतेच्या रक्षणासाठी आणि 'सत्याच्या बाजूने' केली आहे. मात्र जागतिक स्तरावर या हल्ल्यात निष्पाप नागरिकांचा बळी जात असल्याची टीका होत आहे.

युद्धाचा घटनाक्रम: ठिणगी कशी पडली?

दोन्ही देशांमधील हा संघर्ष गेल्या काही दिवसांपासून टोकाला पोहोचला होता. आता गेल्या 24 तासात अधिकृत युद्धाला सुरुवात झाली आहे.

22 फेब्रुवारी: पाकिस्तानने अफगाणिस्तानमध्ये हवाई हल्ले केले होते. ज्यामध्ये मोठी जीवितहानी झाली होती.

गुरुवार सकाळ: अफगाण सैन्याने या हल्ल्याचा सूड घेत पाकिस्तानचे 55 पेक्षा जास्त सैनिक ठार केले. अनेकांना जिवंत पकडले आणि पाकिस्तानच्या अनेक लष्करी चौक्यांवर कब्जा मिळवला.

गुरुवार मध्यरात्री: आपल्या 55 सैनिकांच्या मृत्यूने हादरलेल्या शहबाज शरीफ सरकार आणि जनरल असीम मुनीर यांनी तातडीने 'ऑपरेशन गझब लिल-हक'ची घोषणा केली आणि अफगाणिस्तानवर प्रतिहल्ला चढवला.

मध्यरात्रीचा थरार: काबुल ते कंधारपर्यंत बॉम्बवर्षाव

पाकिस्तानी लष्कराने आपल्या लढाऊ विमानांनी आणि जड तोफखान्याने अफगाणिस्तानच्या काबुल, कंधार, नंगरहार, पक्तिया आणि इतर सीमावर्ती भागांतील लष्करी तळांना लक्ष्य केले.

breaking न्यूज --- घुसते ही मार गिराया पाकिस्तान के फाइटर जेट को
🚨 अफ़गानिस्तान और पाकिस्तान के बीच सीमा विवाद अब "खुली जंग" में बदल गया
अफ़गान रक्षा मंत्रालय का बड़ा दावा— "हमने अपनी हवाई सीमा में घुसे पाकिस्तानी F-16 फाइटर जेट को मार गिराया है।" 🛩️💥 #AfghanistanPakistanWar… pic.twitter.com/eL4YxfMdyK

— amit (@amitkumarmawai) February 27, 2026

पाकिस्तानी लष्कराचा दावा: पाकिस्तानच्या संरक्षण मंत्रालयानुसार त्यांनी तालिबानच्या अनेक चौक्या पूर्णपणे उद्ध्वस्त केल्या आहेत. या कारवाईत त्यांनी तालिबानचे ब्रिगेड आणि बटालियन मुख्यालय, दारूगोळा डेपो, टँक आणि तोफा नष्ट केल्याचा दावा केला आहे. पाकिस्तानने सुमारे 133 तालिबानी लढाऊ सैनिकांना मारल्याचा दावा केला आहे.

अफगाणिस्तानचा पलटवार: अफगाण तालिबान सरकारने पाकिस्तानचे हे आकडे फेटाळून लावले आहेत. तर पाकिस्तानने अफगाणिस्तानच्या सार्वभौमत्वाचे उल्लंघन केल्याचे म्हटले आहे.

🚨 🇵🇰 Big Breaking News
अफगानिस्तान हमले के बाद Operation Ghazab Lil Haq से किया पाकिस्तान ने Open War का ऐलान।#AfghanistanPakistanWar
Kabul जोरदार धमाकों की आवाज से गूंजा।

पाकिस्तान रक्षा मंत्री ख्वाजा आसिफ ने कहा है कि देश ने टकराव से बचने की पूरी कोशिश की, लेकिन अब हमारा… pic.twitter.com/hjykgXfCcs

— Anjli sharma 🐦 (@Anjli__queen) February 27, 2026

नेत्यांची विधाने आणि 'खुली जंग'

पाकिस्तानचे पंतप्रधान शहबाज शरीफ आणि संरक्षण मंत्री ख्वाजा आसिफ यांनी ड्युरंड लाईनवर वाढलेल्या संघर्षाला "खुली जंग" (Open War) असे संबोधले आहे. पाकिस्तानचे म्हणणे आहे की तालिबानी सैन्याने 'विनाकारण' केलेल्या गोळीबारामुळे त्यांच्या सैन्याचे नुकसान झाले होते, ज्याचा बदला आता घेतला जात आहे. दुसरीकडे तालिबानने पाकिस्तानवर सीमा वादावरून अवाजवी प्रतिक्रिया देण्याचा आणि निष्पापांची हत्या करण्याचा आरोप केला आहे.

सद्यस्थिती

सध्या ड्युरंड लाईनवर परिस्थिती अत्यंत भीषण आहे. जमीन आणि आकाश अशा दोन्ही मार्गांनी दोन्ही देश एकमेकांवर हल्ले करत आहेत. पाकिस्तानच्या हवाई हल्ल्यांमुळे अफगाणिस्तानातील अनेक भागात कत्लेआम माजला आहे, तर अफगाण सैन्यानेही जमिनीवरून पाकिस्तानच्या लष्करी ठिकाणांना खिंडार पाडले आहे. या महायुद्धामुळे संपूर्ण दक्षिण आशियात घबराटीचे वातावरण असून हजारो नागरिक या संघर्षात अडकले आहेत.

view comments

Location :

Mumbai,Maharashtra

First Published :

Feb 27, 2026 4:24 PM IST

Afghanistan Pakistan War: पाकिस्तान-अफगाणिस्तान बॉर्डरवर खुल्लमखुल्ला युद्ध, परिस्थिती अत्यंत भीषण; सीमेवर कत्लेआम सुरू, एकमेकांच्या जीवावर उठले