लघुग्रह आला पृथ्वीच्या कक्षेत, धडकण्याआधी अवकाशात घडलं असं काही, VIDEO आला समोर

आपल्या सूर्यमालेत लघुग्रहांचा एक पट्टा आहे, ही बाब अनेकांना माहिती असेल. हा पट्टा गुरू आणि मंगळाच्या कक्षेतील मुख्य लघुग्रहांच्या पट्ट्यात स्थित आहेत. यापैकी एखाद्या लघुग्रहाने आपली दिशा बदलली तर ते पृथ्वीच्या दिशेने येण्याची शक्यता असते. याशिवाय, अंतराळात भरकटलेले इतर काही लघुग्रह देखील कधीही पृथ्वीच्या दिशेने येतात. अशा काही लघुग्रहांमुळे पृथ्वीवर संकटं येऊ शकतात तर काही लघुग्रह पृथ्वीच्या वातावरणात प्रवेश करताच नष्ट होतात. मंगळवारी रात्री (3 डिसेंबर) ईशान्य रशियातील नागरिकांना अशाच एका लघुग्रहाचं दर्शन झालं. समोर आलेल्या माहितीनुसार, मंगळवारी रात्री एक लहान लघुग्रह पृथ्वीच्या दिशेने वळला. पृथ्वीच्या वातावरणात प्रवेश केल्यानंतर तो जळू लागला. ईशान्य रशियातील दुर्गम भागातील रहिवाशांना रात्री उघड्या डोळ्यांनी हा जळता लघुग्रह दिसला.