अमेरिकेकडून 'बर्लिन मॉडेल'चा धक्कादायक प्लॅन, देशाचे होणार दोन तुकडे; ट्रम्प यांच्या घातक प्लॅनने जगात खळबळ

कीव: रशिया आणि युक्रेन यांच्यातील युद्धाला तीन वर्षांहून अधिक काळ लोटला असला तरी ते संपण्याची चिन्हे दिसत नाहीत. अमेरिकेचे नेते डोनाल्ड ट्रम्प हे युद्ध थांबवण्यासाठी प्रयत्न करत असून, त्यांची रशियाचे अध्यक्ष व्लादिमीर पुतिन आणि युक्रेनचे अध्यक्ष वोलोडिमिर झेलेन्स्की यांच्याशी चर्चा सुरू आहे. दरम्यान रशिया युद्धविराम मान्य करण्यास विलंब करत असल्याने, युक्रेनला दुसऱ्या महायुद्धानंतरच्या बर्लिनप्रमाणे विभाजित केले जाऊ शकते, असा धक्कादायक प्रस्ताव डोनाल्ड ट्रम्प यांच्या कीवमधील दूताने मांडला आहे.