United states President : श्रीमंती पायाशी लोळते! Donald Trump यांची संपत्ती किती? पुणे-मुंबईतही केली कोट्यवधींची गुंतवणूक

डोनाल्ड ट्रम्प यांची निव्वळ संपत्ती सध्या डोनाल्ड ट्रम्प यांची एकूण संपत्ती 8 अब्ज डॉलर आहे. फोर्ब्सच्या मते, ऑक्टोबर 2024 मध्ये त्यांची संपत्ती दुप्पट झाली. ते ऑक्टोबरच्या सुरुवातीला 4 अब्ज डॉलर होती ती आता 8 अब्ज डॉलर झाली आहे. फोर्ब्स रिअल-टाइम अब्जाधीश ट्रॅकरनुसार 78 वर्षीय ट्रम्प आता जगातील 357 व्या सर्वात श्रीमंत व्यक्ती आहेत. ट्रम्प यांच्या संपत्तीत ही वाढ निवडणुकीत त्यांची वाढती लोकप्रियता आणि त्यांची मीडिया कंपनी ट्रम्प मीडिया अँड टेक्नॉलॉजी ग्रुपच्या शेअर्समध्ये झालेली वाढ यामुळे झाली आहे.

ट्रम्पच्या सोशल मीडिया प्लॅटफॉर्म 'ट्रुथ सोशल' ची मूळ कंपनी असलेल्या ट्रम्प मीडियाचे शेअर्स मंगळवारी जवळपास 9 टक्क्यांनी वाढले आणि 51.51 अमेरिकन डॉलरवर बंद झाले. सोमवारी 21.6 टक्केॉचा नफा नोंदवला होता. TMTG चे बाजारमूल्य 10 बिलियन डॉलरपेक्षा जास्त आहे, जे एलोन मस्कच्या कंपनी X च्या बरोबरीचे आहे. ऑक्टोबरमध्ये ट्रम्पची संपत्ती दुप्पट झाली, तर ट्रम्प मीडियाच्या स्टॉकची किंमत ऑक्टोबरच्या सुरुवातीला 16.16 डॉलर वरून तिप्पट झाली (249.2 टक्के वाढ झाली आहे).

न्यूयॉर्क टाईम्सच्या अहवालात असं समोर आले आहे की, डोनाल्ड ट्रम्प यांना त्यांच्या वडिलांकडून 413 दशलक्ष डॉलर्सची संपत्ती वारशाने मिळाली आहे. ट्रम्प यांनी भारतातून 2.3 दशलक्ष डॉलर्स कमावले अमेरिकेचे राष्ट्राध्यक्ष डोनाल्ड ट्रम्प यांनी त्यांच्या अध्यक्षपदाच्या पहिल्या दोन वर्षांत परदेशातून 73 दशलक्ष डॉलर कमावल्याचे न्यूयॉर्क टाइम्सच्या अहवालातून समोर आले आहे. यापैकी, ट्रम्प यांनी भारताकडून परवाना सौद्यांमधून अंदाजे 2.3 दशलक्ष डॉलर कमावले आणि भारतात 1,45,400 डॉलरचा कर भरला. याउलट, त्यांनी यूएसमध्ये फक्त 750 डॉलर कर भरला.

मीडिया अहवालानुसार, व्हाईट हाऊसमध्ये त्यांच्या पहिल्या दोन वर्षांच्या कालावधीत, ट्रम्प यांच्या परकीय उत्पन्नातील बहुतांश स्कॉटलंड आणि आयर्लंडमधील त्यांच्या गोल्फ प्रॉपर्टीमधून आले. याव्यतिरिक्त, त्यांनी फिलीपिन्समधून $3 दशलक्ष, भारतातून $2.3 दशलक्ष आणि तुर्कियेकडून $1 दशलक्ष कमाई देखील केली.

दरम्यान, आत्तापर्यंत भारतात दोन ट्रम्प टॉवर पूर्ण झाले आहेत जे पुणे आणि मुंबई येथे आहेत. त्याचवेळी गुरुग्राम आणि कोलकाता येथे आणखी दोन ट्रम्प टॉवरचे बांधकाम सुरू आहे. उद्योग तज्ञांच्या मते, आणखी किमान चार टॉवर्सच्या योजनांवर काम केले जात आहे, ज्यामुळे भारत ट्रम्प ब्रँडसाठी सर्वात मोठ्या आंतरराष्ट्रीय बाजारपेठांपैकी एक बनला आहे. ट्रिबेका डेव्हलपर्स, भारतातील ट्रम्प ब्रँडचे विशेष परवानाधारक, यांनी यापूर्वी मॅक्रोटेक डेव्हलपर्स आणि पंचशील रियल्टी यांना ट्रम्प टॉवर्सच्या विकासासाठी कंत्राट दिले होते. पण आता, ट्रायबेकाने आगामी सर्व ट्रम्प टॉवर प्रकल्प स्वतंत्रपणे व्यवस्थापित करण्याची आणि तयार करण्याची योजना आखली आहे.