Lahore blasts : पाकिस्तानवर डबल अटॅक, एअर स्ट्राईकच्या 24 तासानंतर साखळी बॉम्बस्फोटाने हादरलं लाहोर!

Lahore blasts Attack : इंडियन एअर फोर्सने पाकिस्तानमधील दहशतवादी ठिकाणांवर हल्ले करून 70 हून अधिक दहशतवाद्यांचा खात्मा केला आहे. अशातच आता भारत पाकिस्तान सीमेवर हालचाली वाढल्या असून लाहोरमधून धक्कादायक माहिती समोर आली आहे. भारताने केलेल्या हल्ल्याच्या 24 तासानंतर आता लाहोरमध्ये अनेक धमाके झाल्याची माहिती समोर आली आहे. त्यामुळे पाकिस्तानमध्ये मोठी खळबळ उडाल्याची माहिती समोर आली आहे. पाकिस्तान मीडिया रिपोर्टनुसार, लाहोरमधील वॉल्टन रोडवर मोठे स्फोट आणि सायरन ऐकू आले आहेत. या हल्ल्याच्या मागे कुणाचा हात आहे? याची माहिती समोर आली नाही.