हमासच्या हल्ल्यातून वाचली, पण वाढदिवशीच स्वत:ला संपवलं; मुलीच्या कुटुंबाने PM नेतन्याहूंवर गंभीर आरोप

जेरुसलेम : हमासच्या हल्ल्यातून वाचलेल्या तरुणीनं आत्महत्या केल्याचा प्रकार समोर आलाय. मुलीच्या कुटुंबियांनी म्हटलं की, हमासचा दहशतवादी हल्ला मुलीने तिच्या डोळ्यादेखत बघितला होता. ते दृश्य भयंकर होतं आणि यामुळे ती मानसिक तणावाचा सामना करत होती. पण सरकारने आम्हाला काहीच मदत केली नाही. सरकारकडे त्या हल्ल्यावेळी तिथं असलेल्या लोकांची माहिती होती तरीही मदत दिली गेली नाही. ती सतत पोस्ट ट्रामेटिक स्ट्रेस डिसऑर्डरचा सामना करत होती. यातून बाहेर पडण्याचा प्रयत्न केला पण २२व्या वाढदिवसालाच तिने जीवन संपवलं.