Marriage Law : पुरुष 9 वर्षीय मुलींशी लग्न करू शकणार, विवाह कायद्यात बदलाच्या तयारीत इराक

बगदाद : बालविवाहाची पद्धत संपवण्यासाठी जगभर प्रयत्न केले जात आहेत. यामध्ये बऱ्याच अंशी यशही मिळालं आहे. पण, इराकमधील राजवट बालविवाह कायदेशीर करण्याच्या तयारीत आहे. माध्यमांनी प्रसिद्ध केलेल्या वृत्तानुसार, इराकमध्ये मुलींचं लग्नाचं कायदेशीर वय कमी करण्याचे प्रयत्न सुरू आहेत. सध्या तेथील मुलींना वयाची 18 वर्षे पूर्ण झाल्यानंतर लग्न करण्याची कायदेशीर मान्यता आहे. ही मर्यादा नऊ वर्षांपर्यंत कमी करण्याच्या योजनेवर काम सुरू आहे. शिया कट्टरपंथीयांचं वर्चस्व असलेल्या इराकच्या संसदेने देशाच्या 'पर्सनल स्टेटस लॉ'मध्ये दुरुस्ती करण्याचा प्रस्ताव ठेवला आहे. या दुरुस्तीमुळे तेथील महिलांच्या अधिकारांना मोठा धक्का बसू शकतो.