Israel-Iran War : इस्रायलचे एअरस्ट्राइक, इराण हादरलं, तेहरानसह अनेक शहरातील लष्करी तळांवर हल्ले

IDFने म्हटलं की, इस्रायलवर इराणकडून सातत्याने हल्ले करण्यात येत होते. या हल्ल्यांना इस्रायलच्या सुरक्षा दलाने प्रत्युत्तर दिलंय. इराणच्या लष्करी तळांवर हल्ले करून ते उद्ध्वस्त करण्यात आले आहेत. इराण आणि त्यांच्या सहकाऱ्यांकडून ७ ऑक्टोबरपासून ७ ठिकाणांवर सातत्यानं हल्ला केला जात आहे. यात इराणमधून थेट हल्ल्यांचाही समावेश आहे. जगातील इतर देशांप्रमाणे इस्रायललासुद्धा उत्तर देण्याचा अधिकार आहे आणि ते कर्तव्यसुद्धा आहे. आम्ही इस्रायल आणि जनतेच्या संरक्षणासाठी जे आवश्यक असेल ते करू.

IDFने एक फोटोसुद्धा शेअऱ केला आहे. त्यात जनरल स्टाफचे प्रमुख हर्जी हलेवी, इस्रायलच्या हवाई दलाचे कमांडिंग ऑफिसर जनरल तोमर बार यांच्यासोबत कँप रॉबिनमध्ये असलेल्या कमांड सेंटरमधून इराण हल्ल्याची सूत्रं सांभाळताना दिसत आहेत.