शरीराला बॉम्ब बांधून सुप्रीम कोर्टाबाहेर पोहोचला, पुढच्या क्षणी स्फोटांनी हादरलं ब्राझील, थरारक VIDEO

ब्राझिलिया : ब्राझीलमध्ये सुप्रीम कोर्टात प्रवेश करण्याचा प्रयत्न फसलेल्या एका व्यक्तीने इमारतीबाहेर स्फोट घडवून स्वत:ला संपवलं. अधिकाऱ्यांनी माहिती देताना सांगितलं की, या घटनेनंतर न्यायाधीश आणि कर्मचाऱ्यांनी परिसर रिकामा केला. सर्व लोक बाहेर आले. ब्राझीलच्या सर्वोच्च न्यायालयाकडून यासंदर्भात निवेदन जारी करण्यात आलंय. दिवसभऱाचं सेशन संपल्यानंतर सायंकाळी साडे सातच्या सुमारास दोन स्फोटाचे आवाज झाले.यानंतर सर्व न्यायाधीश आणि कर्मचाऱ्यांना सुरक्षितपणे भवनातून बाहेर काढण्यात आले. या स्फोटाचे व्हिडीओ आता व्हायरल होत आहेत.