आईच ती! लेकराला वाचवण्यासाठी स्वत:चा जीव लावला पणाला; मृत्यूनंतरही बनली बाळाची ढाल

बैरूत : इस्रायल आणि इराणमध्ये जोरदार संघर्ष सुरू आहे. या संघर्षाच्या पार्श्वभूमीवर तेल अवीव शहरामध्ये मंगळवारी अंधाधुंद गोळीबार झाला. समोर आलेल्या माहितीनुसार, या गोळीबारात आठ नागरिकांचा मृत्यू झाला तर सात जण जखमी झाले. मंगळवारी संध्याकाळी दक्षिण तेल अवीवमधील जाफा भागात झालेल्या या दहशतवादी हल्ल्यात इनबार सेगेव्ह-विग्डर (Inbar Segev-Vigder) या तरुण मातेचा दुर्दैवी मृत्यू झाला. आपल्या नऊ महिन्यांच्या मुलाचा (एरी) जीव वाचवताना सेगेव्ह-विग्डरचा मृत्यू झाला. आपल्या बाळासाठी आपला जीव पणाला लावणाऱ्या आईच्या मृत्युमुळे संपूर्ण देश हळहळला.