'मस्क वेडा झाला', ट्रम्प यांचा राग अनावर; दोघांच्या वादात रशियाने डाव साधला, विश्वास बसणार नाही अशी ऑफर दिली

यादरम्यान रशियाने संधी साधली. रशियन संसदेच्या आंतरराष्ट्रीय व्यवहार समितीचे उपाध्यक्ष दिमित्री नोविकोव यांनी जाहीर केलं की, जर मस्क यांना राजकीय शरण हवं असेल, तर रशिया त्यासाठी तयार आहे. त्यांनी ही म्हटले की, मस्क वेगळाच खेळ खेळत आहेत, कदाचित त्यांना शरणाची गरजही नसेल.

रशियाच्या क्रेमलिनने मात्र या संपूर्ण वादावर स्पष्ट मौन बाळगलं आहे. क्रेमलिनचे प्रवक्ते दिमित्री पेस्कोव यांनी म्हटलं की, हा अमेरिकेचा अंतर्गत मुद्दा आहे. आम्हाला यात काहीही बोलायचं नाही.

या संघर्षाचा थेट परिणाम शेअर बाजारांवर देखील जाणवला आहे. मस्क यांच्या टेस्ला कंपनीच्या शेअर्समध्ये मोठी घसरण झाली आहे. त्याचप्रमाणे मस्क यांनी अमेरिकेतील महत्त्वाच्या अंतराळ कार्यक्रमाला बंद करण्याचा इशारा देखील दिला आहे. मस्क यांनी DOGE या सरकारी खर्च नियंत्रक संस्थेच्या प्रमुख पदाचा राजीनामा दिला असून त्यांनी ट्रम्प यांच्या धोरणांना "अमेरिकेसाठी आर्थिक आत्महत्या" असं संबोधलं आहे.

हा संघर्ष आता फक्त अमेरिकेपुरता मर्यादित न राहता रशिया सारख्या देशांची रसदर्शी भूमिका, आर्थिक उलथापालथ आणि राजकीय पडसादांमुळे एक जागतिक संघर्ष बनत चालला आहे. पुढे हे बघणं औत्सुक्याचं ठरेल की, हा संघर्ष समंजस्याकडे वळतो की आणखी भडकतो.