एक-दोन-तीन नाही तर... पुतिनची राजधानी हादरली, युक्रेनने डागले 34 ड्रोन

मॉस्को : रशिया आणि युक्रेनमधलं युद्ध काही कमी व्हायचं नाव घेत नाहीये, यावेळी कीवच्या लष्कराने व्लादिमीर पुतीन यांच्या देशावर असा हल्ला केला आहे की ते हा हल्ला लवकर विसरू शकणार नाहीत. व्लादिमीर जेलेन्सकी यांच्या युक्रेनियन लष्कराने रविवारी मॉस्कोवर 34 ड्रोननी हल्ले केले आहेत. 2022 साली सुरू झालेल्या युद्धानंतरचा हा सगळ्यात मोठा ड्रोन हल्ला आहे. युक्रेनच्या ड्रोन हल्ल्यामुळे शहरातल्या तीन प्रमुख विमानतळांवरची हवाई वाहतूक डायव्हर्ट करण्यात आली आहे. या ड्रोन हल्ल्यात एक जण जखमी झाल्याची प्राथमिक माहिती आहे. तीन तासांमध्ये पश्चिम रशिया आणि इतर भागांमध्ये 36 ड्रोन नष्ट करण्यात आल्याची माहिती रशियाच्या संरक्षण मंत्रालयाने दिली आहे.