Yahya Sinwar : इस्रायलने घेतला एक वर्षापूर्वीचा बदला, हमास प्रमुखाचा खात्मा, कोण आहे याह्या सिनवार?

तेल अवीव : हमास आणि इस्रायल यांच्यात सुरू असलेल्या वादामुळे जवळपास वर्षभरापासून मध्यपूर्व आशियातील तणावात लक्षणीय वाढ झाली आहे. इस्रायल आणि हमासपैकी कोणीही माघार घेण्यास तयार नसून, त्यांच्या एकमेकांवर कुरघोड्या सुरूच आहेत. इस्रायली लष्कराने गुरुवारी (18 ऑक्टोबर) हमास प्रमुख याह्या सिनवार (Yahya Sinwar) याचा खात्मा केला आहे. इस्माईल हानियाच्या हत्येनंतर याह्या सिनवार हमासचा प्रमुख झाला होता. 7 ऑक्टोबर 2023 रोजी इस्रायलवर झालेल्या हल्ल्याची योजना सिनवारने आखली होती, असं मानलं जात होतं. यानंतरच गाझामध्ये युद्ध सुरू झालं होतं.