2 मुलींनी केलं एकमेकींशी लग्न; मंदिरात घेतले सात फेरे, म्हणाल्या, 'आम्हाला पुरुषांची गरज नाही'

दोन तरुणी वकील दिवाकर वर्मा यांच्या चेंबरमध्ये पोहोचल्या आणि त्यांनी एकमेकींशी लग्न करण्याची इच्छा व्यक्त केली. त्या म्हणाल्या की, आम्ही मैत्रिणी आहोत. जवळपास 3 महिन्यांपासून एकत्र राहत आहोत. आम्हाला आयुष्यभर पती-पत्नी म्हणून एकत्र राहायचं आहे. आमचं लग्न लावून द्यावं. त्यांना कायदेशीर लग्न करता येणं शक्य नाहीये. दोन्ही तरुणींनी कलेक्ट्रेट परिसरात असलेल्या शिव मंदिरात एकमेकींना हार घालून लग्न केलं आणि आयुष्यभर सोबत राहण्याची शपथ घेतली.

या संपूर्ण प्रकरणावर लग्न केलेल्या तरुणी सांगतात की, त्यांना पुरुष समाजाचा तिरस्कार आहे. एका तरुणीने सांगितलं की, एका मुस्लिम तरुणाने लग्नाचं वचन देऊन तिला फसवले. आता त्यांना आयुष्य एकत्र घालवायचं आहे. जरी त्यांचे कुटुंबीय किंवा कायदा त्यांना लग्नाची परवानगी देत ​​नसले तरी, त्यांनी मंदिर परिसरात लग्न केले आहे. त्यांचे कुटुंबीय त्यांना पाठिंबा देतील तर ठीक, नाहीतर त्या आयुष्यभर एकमेकींच्या आधाराने राहतील असं त्यांचं म्हणणं आहे.