भारतात लग्न, इंडोनेशियात हनीमूननंतर नवरीचं धरणे आंदोलन, 50 तासांनी संपलं, काय झाला शेवट?

शालिनी आणि प्रणव यांचा विवाह 2 फेब्रुवारी 2025 रोजी  झाला होता. त्यानंतर 15 फेब्रुवारीला दोघंही हनीमूनसाठी इंडोनेशियाला गेले. मात्र, काही मतभेद झाल्यामुळे ते दहा दिवसांतच परतले. शालिनी 5 मार्चपर्यंत सासरी होती, पण 6 मार्चला होळीच्या निमित्ताने ती माहेरी निघून गेली. 30 मार्च रोजी परत आल्यानंतर मात्र तिने थेट पतीच्या घरासमोरच आंदोलन सुरू केलं.

सासरच्यांनी शालिनीला घरात घेतलं नाही. तिने आपल्या सासरच्यांवर 50 लाख रुपयांच्या हुंड्याची मागणी केल्याचा गंभीर आरोप केला आहे.  मात्र, पती प्रणव सिंघलने हे आरोप फेटाळले असून उलट शालिनीवरच त्याने गंभीर आरोप केले आहेत. प्रणव सिंघलने पोलिसांकडे दिलेल्या जबाबात सांगितले की, शालिनीकडून आपल्याला धोका आहे. मेरठमधील प्रसिद्ध ब्लू ड्रम हत्याकांडामुळे तो आणि त्याचा परिवार घाबरलेला आहे.