माझं नाव सोफी! कॉलेजमध्ये आली AI Teacher, कशी शिकवते एकदा VIDEO पाहाच
- Published by:Priya Lad
Last Updated:
AI Teacher Robot : नवीन शिक्षक आल्यावर जशी आपली ओळख करून देतात अगदी तशीच ओळख या एआय टिचर रोबोने करून दिली. तसंच तिने आपल्या शिकवण्याचा डेमोही दिला.
आतापर्यंत तुम्ही सोशल मीडियावर एआय टिचरचे व्हिडीओ पाहिले असतील. पण आता एआय टिचर रोबोटही आला आहे. एका कॉलेजमध्ये एआय टिचर रोबो शिकवायला आली. याचा व्हिडीओही सोशल मीडियावर व्हायरल होतो आहे. नवीन शिक्षक आल्यावर जशी आपली ओळख करून देतात अगदी तशीच ओळख या एआय टिचर रोबोने करून दिली. तसंच तिने आपल्या शिकवण्याचा डेमोही दिला.
उत्तर परदेशच्या बुलंदशहरमधील शिव चरण इंटर कॉलेजच्या 17 वर्षीय विद्यार्थाने तयार केलेला हा एआय टिचर रोबो. जिचं नाव सोफी असं आहे. रोबो व्हिडीओ म्हणताना दिसते की, मी एआय टिचर रोबोट आहे. माझं नाव सोफी आहे. मला आदित्यने तयार केलं आहे. मी बुलंदशहरच्या शिवचरण इंटर कॉलेजमध्ये शिकवते. मी मुलांना व्यवस्थित शिकवू शकते.
advertisement
हा रोबो ज्याने बनवला तो आदित्यही त्याच्या बाजूला उभा आहे. तो या रोबो टिचरला काही प्रश्नही विचारतो आणि रोबो टिचर त्या प्रश्नांची उत्तरं देताना दिसते. भारताचे पहिले राष्ट्रपती कोण?, भारताचे पहिले पंतप्रधान कोण?, वीज कशी तयार होते? अशा प्रश्नांची अचूक उत्तर हा शिक्षक देतो. तसंच प्रत्येक प्रश्नाच्या उत्तरानंतर आणखी काही विचारायचं आहे का? असंही विचारतो आहे.
advertisement
#WATCH | Bulandshahr, UP | A 17-year-old student from Shiv Charan Inter College, Aditya Kumar, has built an AI teacher robot named Sophie, equipped with an LLM chipset.
The robot says, "I am an AI teacher robot. My name is Sophie, and I was invented by Aditya. I teach at… pic.twitter.com/ArJYSsf39F
— ANI (@ANI) November 29, 2025
advertisement
हा रोबो कसा बनवला याबाबत माहिती देताना आदित्यने सांगितलं, मी हा रोबो बनवण्यासाठी एलएलएम चिपसेट वापरली जी मोठ्या कंपन्याही रोबो बनवण्यासाठी वापरतात. विद्यार्थ्यांचे प्रश्न हा रोबो सोडवू शकतो. आता सध्या ती फक्त बोलू शकते पण लवकरच आम्ही लिहिणारा रोबोटही बनवणार आहोत.
#Kerala school launches 'Iris', India's first AI teacher..
pic.twitter.com/S4Etb2uJFK
— Bihar STET|TRE Qualified Team🇮🇳 (@STET_QUALIFIED) March 7, 2024
advertisement
याआधी केरळमधील असाच एआय टिचर रोबोट तयार करण्यात आला आहे. इरिस नावाची ही शिक्षिका देशातील पहिली एआय टिचर रोबोअ असल्याचं सांगितलं जातं. मार्कलॅब एज्युटेक प्रायव्हेट लिमिटेडच्या मदतीने तयार करण्यात आलेला हा रोबो. थिरूवंतपुरममधील केटीसीटी हायर सेकंडरी स्कूलमध्ये हा रोबो दाखवण्यात आला होता.
advertisement
तुम्हाला ही एआय टीचर रोबोटची कल्पना कशी वाटली, आम्हाला आमच्या सोशल मीडियाच्या कमेंट बॉक्समध्ये नक्की सांगा.
view commentsLocation :
Delhi
First Published :
November 29, 2025 9:29 AM IST
