कर्जात बुडाला होता, एका निर्णयाने आयुष्य बदलले; करोडपती झाल्यावर घर, गाडी, लग्नपत्रिकेवर लिहला खास मेसेज

नागेशने गेल्या तीन वर्षांत स्वतःची नर्सरी तयार केली आहे. त्यासाठी त्याने आपली जमीनच बियाणे रोपवाटीकेसाठी वापरली. मला दरवर्षी 1 लाख 80 हजार रोपांची गरज असते. जर ते बाहेरून खरेदी केले असते, तर एका रोपासाठी 60 पैसे मोजावे लागले असते. पण स्वतःच रोपे तयार केल्याने हा खर्च फक्त 20 पैसे प्रति रोप इतका कमी झाला आणि मोठी बचत झाली, असे नागेशने सांगितले.

एका एकरात सुमारे 40 हजार रोपे लावली जातात आणि त्यातून 25-30 टन उत्पादन मिळते. तीन महिन्यांत पत्ता कोबी विक्रीसाठी तयार होते. कीड व रोगांपासून बचाव करण्यासाठी पाच ते सहा वेळा कीटकनाशकांचा वापर केला जातो आणि दर आठ दिवसांनी पाणी दिले जाते, असे नागेशने सांगितले.

-एका एकरासाठी अंदाजे 40,000 रुपये खर्च होतो.

नागेशने आपल्या कष्ट आणि हुशारीच्या जोरावर शेतीतून करोडोंचा नफा कमावला आहे. त्यांचा हा प्रवास आजच्या तरुण शेतकऱ्यांसाठी प्रेरणादायी ठरत आहे. शेतीतही मोठे यश मिळवता येते आणि योग्य नियोजन केल्यास ती फायद्याची ठरू शकते,हेच नागेशने सिद्ध केले आहे.