नॉमिनी म्हणजे ती व्यक्ती, जी खातेदार किंवा मालकाच्या मृत्यूनंतर त्या खात्यातील रक्कम किंवा संपत्तीचा हक्कदार ठरते. मात्र, याचा अर्थ असा नाही की नॉमिनीच त्या संपत्तीचा कायदेशीर मालक होतो. खरंतर बाबत अनेकांच्या मनात गैरसमज असतात. लोकांना याचा खरा अर्थ पूर्णपणे समजलेला नाही. चला आपण कायदा समजून घेऊ.

नॉमिनी हा केवळ संपत्तीचा तात्पुरता सांभाळ करणारा असतो, तो त्या संपत्तीचा मालक नसतो. संपत्तीचा खरा मालक तोच असतो, जो मृत्यूपत्रामध्ये उत्तराधिकारी म्हणून नमूद केलेला असतो. जर मृत्यूपत्रामध्ये नॉमिनीला कायदेशीर वारसदार म्हणून घोषित केले असेल, तरच त्याला मालकीचा हक्क मिळतो. मात्र, जर मृत्यूपत्रामध्ये त्याचा उल्लेख नसेल, तर नॉमिनीला फक्त संपत्तीची जबाबदारी असते, मालकी हक्क नाही.