या गावात आहे रामराज्य! 40 वर्षांपासून एकाही नागरिकाने केलं नाही व्यसन; कधीच होत नाहीत भांडण-तंटे

तरुणांना व्यसनांपासून दूर ठेवण्यासाठी आणि त्यांना योग्य मार्गावर ठेवण्यासाठी गेल्या 30 वर्षांपासून गावात फुटबॉल स्पर्धा आयोजित केल्या जातात. यात आसपासच्या गावांमधील तरुणही उत्साहाने भाग घेतात. या गावाचं आणखी एक वैशिष्ट्य म्हणजे, दर आठवड्याला गावाच्या विकासासाठी बैठक होते. यात विकासाच्या मुद्द्यांवर चर्चा होते आणि गावातील लहान-मोठे वाद आपसात सामंजस्याने मिटवले जातात. जे वाद गावात सुटत नाहीत, तेच फक्त पोलीस स्टेशन किंवा कोर्टात जातात.

लोकल18 शी बोलताना गावचे प्रमुख बुद्धेश्वर उरांव यांनी सांगितलं की, "आमच्या गमहरिया गावात वेगवेगळ्या जाती-धर्माचे लोक गुण्यागोविंदाने राहतात." ते पुढे म्हणाले, "आमच्या पूर्वजांनी 1984 मध्ये ग्राम विकास समिती स्थापन केली आणि तेव्हाच ठरवलं की गावात कोणतंही व्यसन असणार नाही. याचा अर्थ असा की, कोणतीही व्यक्ती दारू बनवणार नाही, विकणार नाही किंवा पिणारही नाही. हा नियम 1984 पासून कायम आहे. जरी काही लोक गावाबाहेर जाऊन दारू पित असले तरी, गावात मात्र कधीच दारू बनवली जात नाही किंवा विकली जात नाही. फक्त विशेष सण-उत्सवांना किंवा पूजांच्या वेळीच एका दिवसासाठी दारू बनवली जाते."