Yuck! तरुणींच्या काखेतील घामापासून बनवला जातोय भात; लोकही चवीने खातायेत

काखेत घाम आल्याने अंगाला दुर्गंधी येऊ लागते. यामुळे ते स्वच्छ करण्यासाठी किंवा घाम येऊ नये म्हणून लोक वेगवेगळे उपाय शोधत राहतात. पण एका देशात या घामाचा वापर करून एक अजब डिश बनवली जात आहे. आश्चर्य म्हणजे लोकही हा पदार्थ आवडीनं खात आहेत. ऑडिटी सेंट्रल न्यूज वेबसाइटच्या रिपोर्टनुसार, ही डिश आता जपानमधील रेस्टॉरंटमध्येही मोठ्या प्रमाणावर विकली जात आहे. साऊथ चायना मॉर्निंग पोस्टच्या वेबसाइटनुसार, हा जपानचा खूप जुना नाश्ता आहे.

ओनिगिरी नावाचा पदार्थ जपानमध्ये प्रसिद्ध आहे. हा भाताचा गोळा आहे, जो लोक लाडूसारखे हाताने बनवतात आणि खातात. पण आता या डिशमध्ये काहीतरी वेगळं केलं आहे. त्यात काखेतील घाम घालण्याची परंपरा सुरू झाली आहे, त्यामुळे याला बगल ओनिगिरी असं म्हणतात.

2013 मध्ये एक संशोधन करण्यात आलं. ज्यामध्ये असं आढळून आलं की शरीराच्या काही भागांमध्ये तयार होणाऱ्या घामामध्ये फेरोमोन्स असतात, ज्याचा वास घेतल्यावर किंवा चाटल्यास मानवी भावना सुधारू शकतात.