Kitchen Jugaad Video : सकाळी उठताच दातासोबतच झाडूलाही 'टुथपेस्ट' लावा, असा फायदा

आता इथं तुम्हाला टुथपेस्ट म्हणजे टुथपेस्ट नाही तर टुथपेस्ट ट्युबचा वापर करायचा आहे. सामान्यपणे टुथपेस्ट संपली की आपण ट्युब फेकून देतो. पण त्याचा तुम्ही असा वापर करू शकता. तुम्हाला करायचं काय आहे तर टुथपेस्टच्या खालच्या टोकाला एक छिद्र पाडायचं आहे. टुथपेस्टचा पुढचा भाग या छिद्रात जाईल इतका हा छिद्र मोठा असावा. आता ही ट्युब झाडूच्या दांड्यापासून थोड्या खाली अंतरावर गुंडाळा. ट्युबच्या खालच्या भागात पाडलेल्या छिद्रात ट्युचा वरचा भाग घुसवा आणि झाकण लावून घ्या.

याचा फायदा काय तर तुम्ही पाहिलं असेल झाडू जेव्हा तुम्ही बेड, कपाट, फ्रिजखाली घालता तेव्हा ती विस्कटली जाते, तुटते आणि लवकर खराब होते. मग नवीन झाडू घ्यावी लागते, त्यासाठी पैसे खर्च होतात. पण झाडूवर टुथपेस्ट ट्युब लावल्याने झाडू फार फुलणार, अडकणार नाही. छोट्या जागेतही ती सहज जाईल आणि बराच वेळ वापरता येईल. नवीन झाडू लवकर घेण्याची गरज पडणार नाही. साहजिकच पैशांची बचत होईल.

@mairaamazingrecipes युट्यूब चॅनेलवर हा व्हिडीओ पोस्ट करण्यात आला आहे. तुम्ही हा उपाय करून पाहा आणि त्याचा परिणाम कसा वाटला, ते आम्हाला आमच्या सोशल मीडियाच्या कमेंट बॉक्समध्ये नक्की सांगा.

(सूचना - या लेखातील माहिती सोशल मीडियावर व्हायरल व्हिडीओवर आधारित आहे. न्यूज18मराठीचा याच्याशी काहीही संबंध नाही. न्यूज18मराठी याची हमी देत नाही.)