Kitchen Jugaad Video : डिटर्जंट पावडर, साबणाशिवाय धुवा कपडे, तेही फक्त एका औषधाच्या गोळीने

औषधाच्या गोळीने कपडे धुण्याचा जबरदस्त जुगाड एका महिलेने दाखवला आहे. ज्याचा व्हिडीओ सोशल मीडियावर तुफान व्हायरल होतो आहे. आता औषधाच्या गोळीने कपडे धुवायचे म्हणजे नेमके कसे? असा प्रश्न तुम्हाला पडला असेल आणि ते जाणून घेण्याची उत्सुकता असेल. महिलेने नेमकं हे कसं केलं आहे ते जाणून घेऊयात.

महिलेने व्हिडीओत दाखवल्यानुसार कपड्यांना जिथं डाग आहेत तिथं बेकिंग सोडा किंवा खायचा सोडा टाका एक्स्पायर औषधाची गोळी घ्या. पांढरी टॅबलेटच घ्या. कलरफुल मेडिसीन नाही. टॅबलेटची पावडर करून कपड्याच्या डागावर जिथं बेकिंग सोडा टाकला तिथं ही पावडर टाका. आता बेकिंग सोडा आणि टॅबलेटच्या पावडरवर लिंबूचा रस टाका. लिंबू फ्रेश हवाच असं नाही तुम्ही खराब झालेल्या लिंबूचा रसही वापरू शकता. आता यावर थोडं पाणी टाकून तिथल्या तिथं नीट घासून घ्या.

आता कमीत कमी 10-15 मिनिटं ठेवून द्या. आता यावर पाणी टाकून घासून घ्या. नंतर लिंबूचा रस आपण वापरला त्याची साल यावर घासा. आता पाण्यात धुवून पाहा. तुम्ही व्हिडीओत पाहाल तर शर्टच्या कॉलवरील डाग अगदी सहजपणे गेला आहे.

ज्या पाण्यात या शर्टची कॉलर धुतली ते पाणी अस्वच्छ झालेलं दिसेल. म्हणजे त्या शर्टच्या कॉलरवरील सगळी मळ त्या पाण्यात आली. पुन्हा हे शर्ट नीट स्वच्छ पाण्यात धुवून घ्या आणि हवं तर एका भांड्यात पाणी घेऊन त्यात पुन्हा धुवून पाहा. ते पाणी आधीसारखं खराब झालं नाही, तर स्वच्छ राहिलं आहे. याचा अर्थ शर्टच्या कॉलरवरील डाग निघाले आहेत.

@crazy_995az युट्युब चॅनेलवर हा व्हिडीओ पोस्ट करण्यात आला आहे. तुम्ही हा जुगाड करून पाहा आणि त्याचा परिणाम आम्हाला आमच्या सोशल मीडियाच्या कमेंट बॉक्समध्ये नक्की सांगा.