Mahakumbh 2025 : आश्चर्यम! महाकुंभच्या चेंगराचेंगरीत मृत्यू, तेराव्याला जिवंत, कसा झाला चमत्कार?

29 जानेवारी मौनी अमावस्येला महाकुंभमध्ये अमृत स्नान होतं. या स्नानासाठी लाखो भाविक गेले. इथं इतकी गर्दी झाली की चेंगराचेंगरी झाली आणि कित्येक मृत्यू झाले. कुणी आपले वडील, कुणी आई, कुणी मुलगा, कुणी पती, कुणी पत्नी, कुणी भाऊ, कुणी बहीण गमावली. काही तर कुटुंबच्या कुटुंब गेले. प्रयागराजच्या झिरो रोड कुटुंबातील एक सदस्य ज्याचं नाव खुंटी गुरूसुद्धा या चेंगराचेंगरीत गेले असं त्यांच्या कुटुंबाला वाटलं आणि कुटुंबाने त्यांच्या तेराव्याची तयारी केली. पण तेराव्यालाच ते जिवंत दारात येऊन उभे राहिले.

29 जानेवारी मौनी अमावस्येला खुंटी गुरू महाकुंभात स्नान करायला गेले होते. त्यानंतर कित्येक दिवस ते घरी आले नाही. महाकुंभच्या चेंगराचेंगरीत त्यांचा मृत्यू झाल्याचं कुटुंबानं मानलं आणि त्यांचं कार्य घातलं. 11 फेब्रुवारी मंगळवारी त्यांचं तेरावं होतं. तेराव्याच्या दिवशीच खुंटी गुरू रिक्षातून घरी आले. त्यामुळे सगळ्यांना धक्का बसला.

खुंटी गुरू बेपत्ता झाले होते. चेंगराचेंगरीत त्यांचा मृत्यू झाला नव्हता. पण ते बरेच दिवस आले नाही म्हणून सगळयांनी त्यांचा चेंगराचेंगरीत मृत्यू झाला असावा असंच वाटलं.

प्रयागराजमध्ये संगम नोज स्नानासाठी सगळ्यात महत्त्वाचं ठिकाण मानलं जातं. बहुतेक साधूसंत इथंच स्नान करतात. भाविकही इथंच स्नान करायला येतात. महाकुंभा स्नानासाठी अनेक घाट बनवण्यात आले आहेत. पण सगळ्यात जास्त गर्दी संगम नोजवरच पाहायला मिळते.

नाकासारख्या आकारामुळे याला संगम नोज असं म्हटलं जातं. असं म्हणतात की हे तेच ठिकाण आहे जिथं इथं यमुना आणि सरस्वती नद्या गंगेला मिळतात.