क्‍लर्कच्या एका चुकीमुळे करोडपती बनला व्यक्ती, रातोरात झाला 3.24 कोटीचा मालक

न्यूयॉर्क पोस्टच्या रिपोर्टनुसार, अमेरिकेतील इलिनॉयस येथे राहणारे 60 वर्षीय मायकल यांनी हा जॅकपॉट जिंकला आहे. मिशिगन लॉटरीने दिलेल्या माहितीत म्हटलं आहे की, 17 सप्टेंबर रोजी झालेल्या लॉटरीत मायकल पाचही नंबर जुळवण्यात यशस्वी ठरले. न्यू बफेलो येथील 102 वेस्ट बफेलो स्ट्रीट येथील एका दुकानातून त्यांने हे तिकीट खरेदी केलं होतं.

मायकल म्हणाला, मी जवळपास दर आठवड्याला मिशिगनला माझ्या आवडत्या रेस्टॉरंटमध्ये जेवायला जातो. मी जेव्हाही तिथे जायचो तेव्हा मी नेहमी जवळच्या दुकानातून 10 किंवा 20 ड्रॉसाठी लकी फॉर लाइफची तिकिटे खरेदी करत असे. यावेळी मी स्टोअर क्लार्कला 10 ड्रॉसाठी तिकीट मागितलं, परंतु त्याने चुकून एका सोडतीसाठी 10 लाईनचं तिकीट प्रिंट केलं. तो ते परत घेणार होता, पण ते पाहून मी म्हणालो - ठीक आहे, मला हे द्या. दरम्यान, ड्रॉ झाला आणि विजेत्याचा शोध सुरू झाला. मायकलला बरेच दिवस माहित नव्हतं. पण एके दिवशी सकाळी त्यांनी तिकीट तपासलं तेव्हा ते पाहून धक्काच बसला. लकी जॅकपॉट जिंकणारा तोच होता.

या अंतर्गत त्यांना दरवर्षी 25 हजार डॉलर्स म्हणजेच 20.82 लाख मिळणार होते. मायकलला क्षणभर काहीच समजलं नाही. तो सुन्न झाला. मात्र त्याची खात्री पटल्यावर त्याने हे पैसे खर्च करण्याचं नियोजन सुरू केलं. लगेच लॉटरी कार्यालयात जाऊन दावा सादर केला. तिथे मायकलला ऑफर देण्यात आली की त्याला हवे असल्यास तो दरवर्षी $25,000 घेऊ शकतो किंवा $390,000 म्हणजेच 3.24 कोटी रुपये एकाच वेळी घेऊ शकतो. मायकलला सर्व पैसे एकाच वेळी घेणं योग्य वाटलं. कर भरल्यानंतर आता ते या पैशाचा योग्य उपयोग करण्याची योजना आखत आहे.