हा माणूस जिथं जायचा तिथं पडायचा पाऊस, अजूनही उलगडलं नाही 'रेन मॅन'चं रहस्य

अमेरिकेतील डोनाल्ड उर्फ डॉन डेकर नावाची व्यक्ती. चोरीच्या आरोपात तुरुंगात शिक्षा भोगत होती. त्याचवेळी त्याच्या आजोबांचा मृत्यू झाला म्हणून अंत्यसंस्कारासाठी त्याला जेलमधून बाहेर काढण्यात आलं. त्यावेळी तो आपल्या एका मित्राच्या घरी थांबला. तिथं आणखी काही लोकही होते. त्यावेळी त्या घरात छत गळू लागलं. सर्वांनी घऱाची नीट पाहणी केली तर घरात बाहेरून पाणी येईल, पाण्याची गळती होईल अशी कोणतीच जागा नव्हती. पाणी तिथंच गळत होतं, जिथं डॉन डेकर बसला होता. तो घरातून बाहेर येताच पाणी गळणं थांबलं आणि सर्व नीट झालं.