VIDEO : आई जो जो गं! डोळ्यावर झोप, हातही दुखला, तरी मेट्रोत गाढ झोपलेल्या आईचा आधार बनला चिमुकला

व्हिडीओत तुम्ही पाहू शकता एक महिला आणि तिच्या शेजारी बसलेला मुलगा. हे मायलेक मेट्रोने प्रवास करत आहेत. महिलेला गाढ झोप लागली आहे. महिला खूप थकलेलेली दिसते आहे. थकून प्रवासा झोपणारी महिला तशी आपल्यासाठी काही नवीन नाही. कामावर जाताना किंवा कामावरून घरी परतताना हे दृश्य आपण पाहतोच. पण जेव्हा त्यांना गाढ झोप लागते आणि डुलकी लागते तेव्हा त्यांना तिथं सावरणारं कुणी नसतं. डुलकी लागली की त्यांची झोपमोड होते आणि त्यांना स्वतःच स्वतःला सावरावं लागतं किंवा गाडी वेगात असेल तर कुठेतरी डोकं आपटतं. इथंच हा मुलगा आपल्या आईसाठी आधार बनला आहे.

तुम्ही पाहाल तर त्याने आपल्या आईभोवत हात ठेवला आहे. एक हात मागून आणि एक हात पुढून धरला आहे. मागील हात त्याने बाजूच्या रॉडवर ठेवला आहे, जेणेकरून आईचं डोकं तिथं आपटू नये आणि एक हात पुढे ठेवला आहे, जेणेकरून आईला डुलकी लागून तिचा तोल जाऊ नये.

त्या मुलालाही झोप आली आहे, त्याच्या डोळ्यात झोप स्पष्टपणे दिसून येते. मधेच थोडा वेळ तो डोळे झाकलेलाही दिसतो. त्याचे चिमुकले हात एकाच स्थितीत ठेवल्याने दुखू लागले आहेत. जे तो काढून किंचित झटकतो आणि पुन्हा आईसमोर धरून ठेवतो.