असं गाव जिथे एकही फटाका न फोडता साजरी केली जाते दिवाळी, कारण आहे खूपच खास

मुंबई, 13 नोव्हेंबर : सध्या दिवाळीचा सण सुरू आहे. या सणाच्या काळात विविध दिवशी मोठ्या प्रमाणात फटाके फोडले जातात. या फटाक्यांमुळे ध्वनी प्रदूषण आणि वायू प्रदूषणाचा धोका वाढतो, हे माहिती असूनही अनेक नागरिक फटाके फोडतात. मात्र, तामिळनाडूतील काही गावं अशी आहेत, ज्यांनी एकही फटाका न फोडता दिवाळी साजरी केली आहे. तमिळनाडूमधील इरोड जिल्ह्यापासून फक्त 10 किलोमीटर अंतरावर असलेल्या 'वडामुगम वेल्लोड' पक्षी अभयारण्यात जवळपासच्या सात गावांचा समावेश आहे. हे अभयारण्य, असंख्य पक्षी प्रजातींचं आश्रयस्थान आहे. त्यामुळे तेथील स्थानिक रहिवाशांच्या समुदायाने अभयारण्याजवळ कोणतेही फटाके न फोडता दिवाळी साजरी करण्याचा निर्णय घेतला आहे.