General Knowledg : इथे वाहते ‘रक्ताची नदी’, पण या मागाचं सत्य काही वेगळंच; Video पाहून नेटकरी गोंधळले

मुंबई : आपण अनेकदा निसर्गाच्या आश्चर्यकारक गोष्टींबद्दल ऐकतो. कधी वेगवेगळ्या रंगांचे पर्वत, तर कधी विविध छटा धारण करणारे समुद्र. जगातल्या नद्या आपण नेहमीच निळ्या, हिरवट किंवा गढूळ रंगात पाहिल्या आहेत. भारतात तर नदी रंग बदलते ही गोष्ट आपण जवळजवळ अशक्यच मानतो. पण जगात काही ठिकाणी नद्या नैसर्गिकरीत्या रंगीत स्वरूपात वाहताना दिसतात. त्यापैकीच एक नदी म्हणजे पेरूमधील लाल रंगाची नदी, जी तिच्या अद्भुत रंगामुळे ‘ब्लडी रिव्हर’ म्हणूनही ओळखली जाते. या नदीचा लालसर प्रवाह पाहून अनेकांना ती प्रत्यक्ष रक्ताच्या रंगात वाहतेय असा भास होतो. त्यामुळेच सोशल मीडियावर या नदीचे व्हिडिओ वेळोवेळी व्हायरल होत राहतात.