VIDEO : तो आला, अन् त्याने जिवंत ससा गिळला, पक्षानं जिवंत प्राणी गिळताना कधी पाहिलंय?

Published by:Devika Shinde

Last Updated:August 22, 2025 5:39 PM IST

एका समुद्री पक्ष्यानं जिवंत सशाला गिळल्याचं दृश्य पाहून लोक चकित झाले आहेत.

मुंबई : निसर्गात प्राणी आणि पक्ष्यांच्या जगात शिकार करणं ही सामान्य गोष्ट आहे. पण काही वेळा असे दृश्य समोर येतात की डोळ्यांवर विश्वासच बसत नाही. असाच एक व्हिडिओ सोशल मीडियावर प्रचंड व्हायरल होत आहे, ज्यात एका समुद्री पक्ष्यानं जिवंत सशाला गिळल्याचं दृश्य पाहून लोक चकित झाले आहेत.

नेमकं काय दिसलं व्हिडिओमध्ये?

व्हायरल व्हिडिओमध्ये एक सीगल (समुद्री पक्षी) सशाच्या बिळाजवळ उभा असल्याचं दिसतं. काही वेळातच तो सशाला बिळातून बाहेर खेचतो आणि आपल्या चोचीने त्याचं डोकं पकडतो. पाहता पाहता तो ससा जिवंतपणीच गिळून टाकतो.

सामान्यतः हे समुद्री पक्षी मासे, किडे, लहान खेकडे आणि शिंपले खातात. याशिवाय लहान पक्षी आणि त्यांची अंडी हेही त्यांच्या आहाराचा भाग असतात. मात्र, जिवंत ससा गिळल्याचं हे दृश्य आश्चर्यकारक आहे. अनेक नेटिझन्सचं मत आहे की कदाचित हा सीगल फार भुकेला असावा, म्हणूनच त्यानं इतक्या मोठ्या शिकाराचा फडशा पाडला.

व्हिडीओ शेअर करणाऱ्याचं म्हणणं

हा व्हिडीओ इन्स्टाग्राम पेज @detailedexplanation वरून शेअर करण्यात आला आहे. त्यासोबत यूजरनं सांगितलं की सीगल हे संधीसाधू शिकारी असतात. ते आपल्या आसपासच्या वातावरणाशी जुळवून घेत कोणत्याही प्रकारचं अन्न खातात. याच अनुकूलन क्षमतेमुळे ते किनारी भागांपासून शहरांपर्यंत सहज राहू शकतात.

View this post on Instagram

A post shared by Detailed Explanation (@detailedexplanation)

एका यूजरनं कमेंट केली की “अरे भाईसाहेब पूर्ण ससा गिळला हा” दुसऱ्यानं विचारलं, “आता हा पचवणार कसा?” तर आणखी एका यूजरनं लिहिलं, “हे दृश्य खरंच भयानक आहे.”

view comments