शार्कने गिळला कॅमेरा; त्याच्या शरीरात असं काही दिसलं की विश्वासच बसणार नाही; VIDEO VIRAL

शार्कच्या तोंडात कॅमेरा घुसताच एक वेगळंच जग जाणवू लागलं. त्याच्या आतील त्वचा पांढरी असते. आतील त्वचेला भेगा पडल्यासारख्या होत्या. जेव्हा शार्क कॅमेरा गिळण्याचा प्रयत्न करतो, तेव्हा या भेगा आकुंचन, प्रसरण पावतात. ज्यावरून असं दिसतं की जेव्हा शार्क काही खातो तेव्हा त्या विवरांच्या आकुंचन आणि विस्तारामुळे ती त्याच्या पोटात जाते. काही वेळाने शार्क तोंडातून कॅमेरा काढून टाकतो आणि तिथून निघून जातो.

@AMAZlNGNATURE या ट्विटर अकाऊंटवर हा आश्चर्यकारक व्हिडिओ पोस्ट करण्यात आला आहे. व्हिडीओवर बऱ्याच कमेंट येत आहेत. शार्कच्या शरीरातील दृश्य पाहून अनेकजण थक्क झाले. एका युझरने शार्कच्या आतील त्वचा सारखीच असते हे माहिती नव्हतं, असं म्हटलं आहे. तर शार्कनं कॅमेरा तोंडातून बाहेर काढण्यावर एका युझरने मजेशीर प्रतिक्रिया दिली आहे. शार्कला ते चवदार वाटलं नसल्याचं त्यानं म्हटलं आहे.