Reel Accident : एक रील... जो कधी अपलोडच झाला नाही; पण हिरावून गेलं 15 वर्षांच्या मुलाचं आयुष्य, Video पाहण्याची हिंमत असेल तरच पाहा

मुंबई : आजच्या काळात सोशल मीडियाचं आकर्षण इतकं वाढलं आहे की अनेक तरुणांसाठी 'परफेक्ट रील' बनवणं हे खूप महत्वाचं झालं आहे, जणू आता ते त्यांच्या आयुष्याचं उद्दिष्टच बनलं आहे. फॉलोअर्स वाढवणं, लाईक्स मिळवणं आणि व्हायरल होणं. हे सगळं प्रतिष्ठेचं मोजमाप झालं आहे. पण या आभासी जगातल्या लोकप्रियतेच्या नादात काही जण वास्तव विसरतात… आणि कधी कधी हीच लोकप्रियतेची स्पर्धा त्यांचं आयुष्य संपवते. यासंबंधीत अनेक घटना घडलेल्या समोर आल्या आहेत. असाच एक हृदयद्रावक प्रकार ओडिशातील पुरी जिल्ह्यात घडला आहे, जिथे 15 वर्षांच्या एका मुलाचा मोबाईलवर रील शूट करताना मृत्यू झाला.