वाहतूक नियमांची ऐशी-तैशी! ई-रिक्षा झालीय मिनी बस; 22 प्रवाशांनी रस्त्यावर घातला हैदोस

या व्हिडिओमध्ये तुम्ही पाहू शकता की, एका छोट्याशा ई-रिक्षात तब्बल 22 प्रवासी दाटीवाटीने बसले आहेत. चालक या सगळ्यांचा जीव धोक्यात घालून वेगात ई-रिक्षा चालवत आहे. हा व्हिडिओ व्हायरल झाल्यानंतर लोक आश्चर्य व्यक्त करत आहेत आणि वेगवेगळ्या कमेंट्स करत आहेत. 'अरे बापरे! ही ई-रिक्षा आहे की मिनी बस?' असं लोक विचारत आहेत. चालक रस्त्यावर बेदरकारपणे रिक्षा चालवताना दिसत आहे. व्हिडिओ व्हायरल झाल्यावर आता पोलिसांनी या प्रकरणाची गंभीर दखल घेतली असून, ते यामागे कोण आहे याचा शोध घेत आहेत. हा व्हिडीओ उत्तर प्रदेशमधील कानपूर शहरातील असून तुफान व्हायरल होत आहे.